2014 jyly Qazaqstan tranzıttik tasymaldaýdan 1 mlrd. dollardan astam paıda kórdi - A.Mamın

ASTANA. QazAqparat - 2014 jyly Qazaqstan tranzıttik tasymaldaýdan 1 mlrd. dollardan astam paıda kórdi. Bul týraly búgin Astana ekonomıkalyq forýmynda «Qazaqstan temir joly» UK» AQ prezıdenti Asqar Mamın málim etti.

«2014 jyly Qazaqstannyń kóliktik dálizderi arqyly 18 mln. tonna júk tasymaldandy. Onyń ishinde temirjol arqyly - 16,1 mln. tonna, avtomobıl - 1,5 mln. tonna, Aqtaý teńiz porty arqyly - 100 myń tonna. Tranzıtten túsken paıda - 1 mlrd. AQSh dollarynan asady. Atalǵan múmkindikterdi eskere otyryp, biz 2020 jylǵa qaraı Shyǵys pen Batys arasyndaǵy tranzıttik júk tasymalyn eki esege deıin arttyrýdy kózdep otyrmyz. Qarqyndy damý men Qytaıdyń batys jáne ortalyq provıntsııalarynan eksporttyń artýy bizdiń maqsatymyzǵa qol jetkizýge septigin tıgizedi dep sanaımyz», - dedi A.Mamın.