2014 jyly elimizdegi barlyq munaı óńdeý zaýyttary qaıta jańǵyrtylatyn bolady - Joldaý
12:43, 29 Qańtar 2010
ASTANA. Qańtardyń 29-y. QazAqparat /Marlan Jıembaı/ - 2014 jyly elimizdegi barlyq munaı óńdeý zaýyttary kúrdeli jóndeýden ótip, qaıta jańǵyrtylatyn bolady.
Bul týraly QR Prezıdenti Nursultan Nazarbaev búgin Parlament palatalarynyń birlesken otyrysynda jarııalaǵan Qazaqstan halqyna arnaǵan dástúrli Joldaýynda málim etti.
«Biz 2014 jyly barlyq úsh munaı óńdeý zaýytyn qaıta jańǵyrtamyz jáne munaı ónimderiniń barlyq sektory boıynsha ishki tutynýdy tolyǵymen qamtamasyz etýge qol jetkizemiz», dedi Memleket basshysy.
Sonymen qatar QR Prezıdenti óz Joldaýynda ár aımaqtaǵy árbir ınnovatsııalyq joba memlekettik organdar tarapynan ǵana emes, sonymen birge qoǵam tarapynan da erekshe baqylaýǵa alynýy kerektigin basa aıtty.