2014 jyly barlyq ruqsat qujattary elektrondy túrde beriletin bolady
Kompanııa basshysynyń sózine qaraǵanda, búginde 17 ortalyq pen 16 jergilikti memlekettik organda «E-lıtsenzııalaý» júıesi jumys isteıdi. 2012 jyldyń tamyzynan bastap Qazaqstanda lıtsenzııalar 100 % elektrondy túrde beriledi. Búginde berilgen e-lıtsenzııalardyń jalpy sany 30 myńnan asty.
Sondaı-aq, «E-lıtsenzııalaý» júıesin Halyqqa qyzmet kórsetý ortalyqtarymen yqpaldastyrý nátıjesinde memlekettik mekemelerdiń jumysyn qadaǵalaýǵa múmkindik týdy. «E-lıtsenzııalaý» júıesine ótinish túsken kezde oǵan qatysty barlyq málimetter HQKO júıesinde tirkelip, memlekettik organnyń qyzmetti kórsetý ýaqytyn eseptegish qural iske qosylady. Memlekettik organ qyzmetti belgili ýaqytynda kórsetpese, ákimshilik shara qoldanylady.
Sondaı-aq, Qazaqstanda «bir tereze qaǵıdasyn» iske asyrý jumystary da jalǵasýda. Elektrondyq úkimet portaly men salyq tóleýshiniń jeke kabınetin jáne e-lıtsenzııalaý portalyn ózara yqpaldastyrý nátıjesinde kásipkerler ártúrli qyzmetterdi - anyqtamalar, shot-faktýralar, keńester, taǵy basqalaryn bir jerden ala alady. Damýdyń kelesi satysy - bıznes ortadaǵy qaýipti basqarý júıesin jasaý. Elicense.kz júıesin memlekettik organdardyń aqparattyq júıelerimen yqpaldastyrý nátıjesinde elimizdiń zańǵa baǵynýshy jáne zań buzýshylyqqa jol bergen kásipkerleri týraly barlyq málimetter bir júıege jınaqtalady.
Budan basqa, elektrondyq lıtsenzııalaýdy memlekettik organdardyń 27 aqparattyq júıelerimen ózara yqpaldastyrýdyń nátıjesinde talap etilip kelgen 600 túrli qujat qajet emes dep tanyldy. 2014 jyldyń aıaǵyna deıin barlyq ruqsat qujattary elektrondy túrde beriletin bolady.
Rýslan Eńsebaevtyń aıtýynsha, e-lıtsenzııalaý júıesi kásipkerler men memlekettik organdardyń ózara is-qımyldaryn edáýir jeńildetti. Bul faktor jaqyn arada ótken WSIS Project Prizes 2013 halyqaralyq baıqaýynda www.elicense.kz -iń eń úzdik joba dep atalýyna basty sebepker bolǵandyǵy sózsiz. Esińizge salyp ótsek, baıqaý 12-17 mamyr aralyǵynda Jenevada bolǵan Aqparattyq qoǵam máseleleri jónindegi joǵary deńgeıdegi búkilámdik kezdesý Forýmy sheńberinde ótti. Baıqaýǵa álemniń 64 memleketinen 280 joba usynylǵan bolatyn.