2014 jyly álemdegi jumyssyzdar sany 3,2 mln. adamǵa artady - BUU
Búgin Parlament Senatynda orta tehnıkalyq jáne kásiptik bilim berý júıesiniń bolashaǵyna arnalǵan ǵylymı-tájirıbelik konferentsııa barysynda Senat Tóraǵasy Qasym-Jomart Toqaev osyndaı derekterdi keltirdi.
«Sonymen qatar, jumys istegenimen, kúndik tabysy 2 dollarǵa da jetpeıtinder sany 840 mln. adamdy quraıdy. Bul rette jumysqa ornalasýda eń kóp qıyndyq jastarǵa túsip otyr. Álemde 24 jasqa deıingi 75 mln.-nan astamdy quraıtyn jastarda jumys joq. Jumys izdegen adamdar basqa elderge kóshýde. Al mundaı mıgranttar sany búgingi tańda 250 mln. adamǵa jetken», - dedi spıker Q. Toqaev.
Osyǵan oraı, Senat Tóraǵasy kásiptik tehnıkalyq bilim berýdi damytý bul shyn máninde elimizdiń ındýstrııalyq-ınnovatsııalyq damý baǵdarlamasy úshin de mańyzdy ekenin atap ótti. Óıtkeni, kásiptik bilim atalǵan baǵdarlamany maman-kadrlarmen qamtamasyz etýdiń negizi bolyp tabylady.
«Osyǵan oraı, biz el ekonomıkasynyń búgingi jáne erteńgi qajettilikterin jaýap beretin azamattardyń jahandyq eńbek naryǵyndaǵy básekege qabilettiligin qamtamasyz etip, halyqtyń jumyspen qamtylýyn arttyratyn kásiptik bilim berý júıesin qurýǵa umtylýǵa tıispiz», - dedi Senat Tóraǵasy Q. Toqaev.