2014 jylǵa qaraı elimizdegi qurylystyń 80 paıyzy otandyq materıaldarmen júrgiziledi- Á. Isekeshov

ASTANA. Aqpannyń 5-i. QazAqparat /Qanat Mámetqazyuly/ ‑ 2014 jylǵa qaraı elimizdegi qurylystyń 80 paıyzy otandyq materıaldarmen júrgiziledi. Búgin QR Údemeli ındýstrııalyq-ınnovatsııalyq damý jónindegi Úılestirý keńesiniń keńeıtilgen otyrysy barysynda Indýstrııa jáne saýda mınıstri Áset Isekeshov osylaı málim etti,

dep habarlaıdy QazAqparat.

«Údemeli ındýstrııalyq-ınnovatsııalyq damý baǵdarlamasy aıasynda qurylys ındýstrııasy jetkilikti talqylandy. Sonyń negizinde respýblıka óńirlerinde birqatar nysandar júzege asatyn bolady. Osyǵan oraı, 2014 jylǵa qaraı elimizdegi qurylys jumystarynyń 80 paıyzy otandyq materıaldarmen jabylatyn bolady dep josparlap otyrmyz. Bul baǵytta respýblıka óńirlerinde shyny-áınek, qurylys keramıkasy, sondaı-aq qurylys hımııalar óndirisi qolǵa alynady», dedi Á. Isekeshov.

Onyń aıtýynsha, qazirdiń ózinde túrkııalyq kompanııalar qurylys ındýstrııasyn damytýǵa qatysty, onyń ishinde qurylys materıaldaryn óndirýge baılanysty jobalarǵa qyzyǵýshylyq tanytqan. Bul baǵyttaǵy ınvestıtsııanyń basym bóligi sheteldik tarappen jabylady dep josparlanýda.