2014 jylǵa deıin elimizde Úkimet arqyly 300, al jergilikti bılik arqyly 800 jańa kásiporyn salý josparlanýda - Elbasy

ASTANA. 4 sáýir. QazAqparat /Marlan Jıembaı/ - 2014 jylǵa deıin elimizde Úkimet arqyly 300, al jergilikti bılik arqyly 800 jańa kásiporyn salý josparlanýda. Búgin Aqordada otandyq jáne sheteldik buqaralyq aqparat quraldarynyń ókilderine arnalǵan baspasóz máslıhatynda Elbasy Nursultan Nazarbaev osylaı málimdedi.

Memleket basshysy ótken jyly Qazaqstanda ındýstrııalyq-ınnovatsııalyq damý baǵdarlamasy ázirlenip, alǵashqy jyldyń ózinde ǵana 152 jańa kásiporyn salynǵanyn atap ótti. Sonymen qatar atalǵan kásiporyndardyń óz ónimderin Qazaqstannan tysqary jerlerge de eksporttaýǵa qabiletti ekendigin basa aıtty. Osyndaı aýqymdy shalardyń arqasynda 1 jylda elimizde 25 myń jańa jumys oryndary qurylyp, el ekonomıkasy ósiminiń jalpy kólemi 8,5 paıyzǵa jetti. Bul kórsetkishtiń 2 paıyzy kúni keshe iske qosylǵan jańa kásiporyndardyń enshisinde.

«Biz 2014 jylǵa deıin Úkimet arqyly 300 jáne jergilikti óńirlik bılik arqyly 800 jańa kásiporyn salýdy josparlap otyrmyz», - dedi N.Nazarbaev.

Elbasynyń atap ótýinshe, tek ótken jyly ǵana elimizde mashına jasaý salasy 19 paıyz ósim kórsetken.