2014 jyldyń sońyna deıin AKT salasyndaǵy qazaqstandyq qamtý úlesi 32 paıyzǵa jetedi - B.Qurmanǵalıeva

STANA. Qyrkúıektiń 9-y. QazAqparat /Marlan Jıembaı/ - QR aqparattyq-kommýnıkatsııalyq tehnologııalar (AKT) salasyn damytý jónindegi salalyq baǵdarlama 2014 jyldyń sońyna deıin atalǵan saladaǵy qazaqstandyq qamtýdyń úlesin 32 paıyzǵa jetkizýdi kózdeıdi.

Bul týraly búgin elordada VNews portalynda ótken on-laın konferentsııa barysynda «Zerde» Ulttyq aqparattyq-kommýnıkatsııalyq holdıngi» AQ basqarmasy tóraǵasynyń orynbasary Bıkesh Qurmanǵalıeva aıtty.

«Bizdiń aldyǵa qoıyp otyrǵan mindetimiz Qazaqstanda óndiriletin aqparattyq-kommýnıkatsııalyq tehnologııalar ónimderindegi jáne qyzmetterdegi qazaqstandyq qamtý úlesin arttyrý bolyp otyr», dedi ol óz sózinde.

Qazirgi tańda bul saladaǵy qazaqstandyq qamtý úlesi bar-joǵy 6 paıyzdy ǵana quraıtyndyǵyn atap ótken basqarma tóraǵasy «árıne, bul óte az. Bizdiń boljamymyzsha, salalyq baǵdarlamaǵa sáıkes bul úles 2014 jyldyń sońyna qaraı 32 paıyzǵa deıin ulǵaıýy kerek», dedi.