2013 jyly Kedendik odaq jáne Biryńǵaı ekonomıkalyq keńistik elderi arasyndaǵy saýda-sattyq kólemi azaıdy

SANKT-PETERBOR. 20 qańtar. QazAqparat - 2013 jyldyń qańtar-qarasha aılarynda Kedendik odaq jáne Biryńǵaı ekonomıkalyq keńistik músheleri arasyndaǵy saýda-sattyq baılanysy 5,9%-ǵa báseńdedi. Al ózge eldermen syrtqy saýda kólemi 0,7%-ǵa azaıdy. Bul týraly Eýrazııalyq ekonomıkalyq komıssııa habarlamasynda jazylǵan.

Eýrazııalyq ekonomıkalyq komıssııanyń málimetine qaraǵanda, Kedendik odaq jáne Biryńǵaı ekonomıkalyq keńistik elderiniń ózge memlekettermen aralaryndaǵy taýar aınalym 2013 jyldyń qańtar-qarasha aılarynda 844,6 mlrd. AQSh dollaryn quraǵan. Onyń ishinde eksport úlesi 531,9 mlrd. AQSh dollary bolsa, al 312,7 mlrd. AQSh dollary ımportqa tıesili.

2012 jyldyń sáıkes merziminiń nátıjesimen salystyrǵanda syrtqy taýar aınalym kólemi 0,7%, nemese 5,7 mlrd. AQSh dollaryna kemigen.

2013 jyldyń qańtar-qarasha aılarynda Kedendik odaq jáne Biryńǵaı ekonomıkalyq keńistik elderi arasyndaǵy saýda-sattyq kólemi 58,2 mlrd. AQSh dollaryn qurady. Bul 2012 jyldyń sáıkes merzimindegi kórsetkishtiń 94,1%. Belarýs ózara saýda baılanysy jaǵynan kósh sońynda keledi (1,5% nemese 855,4 mln. doll.).

«Ózara taýar aınalymnyń kúrt azaıýy Reseı Federatsııasynyń Belarýs Respýblıkasyna tasymaldaıtyn munaı kóleminiń kemýi áserin tıgizgen. Jylý-energetıkalyq taýardy eseptemegende, Kedendik odaq jáne Biryńǵaı ekonomıkalyq keńistik elderi arasyndaǵy saýda-sattyq kólemi 2012 jyldyń qańtar-qarasha aılaryndaǵy kórsetkishpen salystyrǵanda 0,7%-ǵa artqan» - dep atap ótti Eýrazııalyq ekonomıkalyq komıssııasynda.