2013 jyly Qazaqstan azamattyǵyn alý úshin Komıssııaǵa bir myńǵa jýyq adam ótinish bildirdi - QR Memlekettik hatshysy
16:43, 17 Qazan 2013
ASTANA. 17 qazan. QazAqparat - Búgin Aqordada Qazaqstan Respýblıkasynyń Memlekettik hatshysy Marat Tájınniń tóraǵalyǵymen Qazaqstan Respýblıkasy Prezıdenti janyndaǵy Azamattyq máseleleri jónindegi komıssııanyń kezekti otyrysy ótti.
Bul týraly Aqordanyń baspasóz qyzmetinen habarlandy.
Otyrysta Qazaqstan Respýblıkasynyń azamattyǵyna qabyldaý týraly 439 ótinish qaraldy. Memlekettik hatshy 2013 jyly Qazaqstan azamattyǵyn alý úshin Komıssııaǵa bir myńǵa jýyq adam ótinish bildirgenin atap ótti.
Komıssııa músheleri Qazaqstan Respýblıkasynyń shet elderdegi mekemelerinde Qazaqstan Respýblıkasynyń azamattyǵynan shyǵýdy rásimdeýdi memlekettik qyzmetter tizbesine engizý jáne osy qyzmetti elektrondyq formatqa kóshirý jónindegi Syrtqy ister mınıstrliginiń jumysy nátıjelerin talqylady.
Otyrys qorytyndysy boıynsha Komıssııa tıisti sheshimder men usynystar qabyldady.