2013 jylǵy qańtar-qarashada TMD boıynsha keıbir kórsetkishterdiń ósý qarqynynyń tómendeýi saqtaldy

ASTANA. 15 qańtar. QazAqparat - 2013 jylǵy qańtar-qarashadaǵy Dostastyq elderi boıynsha keıbir áleýmettik-ekonomıkalyq kórsetkishteri ósý qarqynynyń tómendeýi saqtaldy. Bul týraly QR Statıstıka agenttiginiń málimetinde habarlandy.

TMD Statkomıtetiniń derekteri boıynsha Dostastyq elderinde 2013 jylǵy qańtar-qarashada 2012 jylǵy qańtar-qarashamen salystyrǵanda keıbir áleýmettik-ekonomıkalyq kórsetkishter boıynsha ósý qarqynynyń tómendeýi saqtaldy. Atap aıtqanda ónerkásip óndirisiniń kólemi 0,2 paıyzǵa tómendedi (2012 jylǵy qańtar-qarashada 2% artqan), sondaı-aq negizgi kapıtalǵa salynǵan ınvestıtsııalar kólemi 1 paıyzǵa (2012 jyly 8,2%), júk tasymaldaý kólemi (qubyr kóliginsiz) - 2,3 paıyzǵa (2012 jyly 5,5%), bólshek saýda aınalymy - 5,4 paıyzǵa (7,9%) artty.