2013 jyldyń tamyzynda qazaqstandyq ónimderdi kemsitýshi elder úshin «aına» sharalary jasalady

ASTANA. 30 shilde. QazAqparat - Tamyzdyń ortasyna deıin qazaqstandyq ónimderge kemsitýshi aktsızderdi engizgen elderge qatysty «aına» sharalaryn engizý tetigin jasaý qajet, dep habarlady Premer-Mınıstrdiń orynbasary, ındýstrııa jáne jańa tehnologııalar mınıstri Áset Isekeshev Eksportshylar keńesiniń otyrysynda. Bul týraly primeminister.kz saıtynan habarlady.

«Ekonomıka mınıstrligi, Indýstrııa mınıstrligi, Aýyl sharýashylyǵy mınıstrligi Qazaqstan ónimderine kemsitýshi sharalar qoldanatyn elderge qatysty «aına» sharalaryn qoldaný múmkindigi boıynsha usynystar engizsin... Qazaqstandyq ónimderge aktsızder engizgen elderge «aına» sharalaryn engizý máselelerin talqyladyq», - dedi Á.Isekeshev.

Osylaısha, vıtse-premer mınıstrlikterge qyrkúıekke qaraı bul usynystardy Úkimet qaraı alatyndaı ústimizdegi jyldyń 15 tamyzyna deıin usynystar engizý kerektigin atap ótti.

Sonymen qatar, Indýstrııa mınıstrliginiń basshysy atalǵan sharalar bekitiletin ónimder tizimin jasaýdy tapsyrdy. «Bizge jetkiziletin jáne biz shyǵaratyn aktsızder engizilgen taýarlardy qarap, usynystar engizý kerek», - dep tolyqtyrdy Indýstrııa mınıstrliginiń basshysy.