2013 jyldyń ortasynan bastap «Astana-Şýche» avtomagıstralimen júrý aqyly bolady

ASTANA. 21 qarasha. QazAqparat - Kelesi jyldyń ortasynan bastap «Astana-Şýche» avtomagıstralinde aqyly jol júrý júıesi engiziletin bolady, dep habarlady QR Kólik jáne kommýnıkatsııa mınıstrligi Avtokólik joldary komıteti tóraǵasynyń orynbasary Danııar Nurmanov.

«Qazir «Astana-Şýche» aqyly avtomagıstrali» jobasy júzege asyrylýda. Aqy tóleý júıesin ornatýdyń qurylys-montaj jumystary jyl sońyna deıin aıaqtaý josparlanǵan. Aqy tóleýdi 2013 jyldyń shilde aıynan bastamaqpyz», - dedi D.Nurmanov.

QR Premer-Mınıstriniń resmı saıtynyń habarlaýynsha, aqyly joldyń Astana men Şýchege taıaý mańdaǵy bastalatyn jáne aıaqtalar tusynda kólik quraldary qozǵalysyn baqylaýǵa arnalǵan aqy tóleý pýnktteri ornalasatyn bolady. Aqyny qolma-qol aqshamen nemese bank kartochkasy arqyly tóleýge bolady. Avtokólik jolyn kútip ustaýǵa arnalatyn jol aqynyń eń tómengi qunyn belgileý josparlanǵan.

Kólik vedomstvosy ókiliniń aıtýynsha, avtokólik jolyna aqy tóleý júıesi shetelderdiń ashyq jáne jabyq aqy tóleý júıesi qoldanylatyn tájirıbesine súıene otyryp qabyldanǵan. «Damyǵan elderde alystan aqy tóleý júıesi keńinen qoldanylady», - dep atap ótti Nurmanov.

QR Úkimeti kólik-kommýnıkatsııalyq keshendi jetildirý maqsatynda kólik qyzmetine degen suranysty tolyq kólemde qanaǵattandyrýǵa qabiletti kólik ınfraqurylymyn damytýdyń salalyq baǵdarlamasyn qabyldaǵan bolatyn.