2012 jyly Qazaqstan KO elderimen ózara saýdada kólik quraldaryn jetkizýdi 73 paıyzǵa ulǵaıtty - EEK mınıstri A. Slepnev
Bul týraly Eýrazııalyq ekonomıkalyq komıssııanyń saýda boıynsha mınıstri Andreı Slepnev EEK jáne Qazaqstan, Reseı, Belarýs bıznes-qaýymdastyqtarynyń otyrysynda málimdedi.
A. Slepnev respýblıkanyń Kedendik odaq elderine eksporttaý kólemderiniń azaıýy boıynsha qazaqstan tarapynyń alańdaýshylyǵyna baılanysty EEK «úshtik» elderiniń arasyndaǵy ózara saýda qurylymyna saraptama júrgizdi.
«Qazaqstannyń KO elderine eksportyna qatysty ótken jyl boıynsha tómendeý baıqalady: mınýs 3,7 paıyzǵa (2011 jylǵy kórsetkishtermen salystyrǵanda). Biz osy faktilerdi arnaıy talqyladyq. Kómir shıkizatyn jáne munaı taýarlaryn KO elderine jetkizý 25 paıyzǵa derlik tómendegen. Bul taýarlar syrtqy rynokte óz suranymdaryn tapqandyǵynyń kýási» - dedi A. Slepnev.
«Degenmen, kóliktik quraldardy KO-nyń basqa elderine jetkizýler 73 paıyzǵa ulǵaıdy. Nátıjesinde, mashına jasaý óniminiń úlesi Qazaqstan eksportynyń bul qurylymynda eki esege derlik ósip, 10 paıyzdan asty. Saýdanyń jergilikti qurylymynda eleýli qurylymǵa traktor, júk mashınalary, teledıdarlar, esepteý mashınalary sııaqty taýarlar ıe boldy, - dedi EEK mınıstri. - ıAǵnı, biz ózara saýda qurylymy turǵysynan qaraǵanda jaqsy alǵa jyljýlardy kórip otyrmyz».