2012 jylǵy aqpanda kúnkóristiń eń tómengi deńgeıi shamamen 15 959 teńgeni qurady
16:41, 01 Naýryz 2012
ASTANA. 1 naýryz. QazAqparat - Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń
tómengi deńgeıiniń shamasy 2012 jylǵy aqpanda ótken aımen salystyrǵanda 0,9 paıyzǵa, 2011 jylǵy aqpanǵa qaraǵanda – 4 paıyzǵa ósti. Bul jaıynda QR Statıstıka agenttiginiń málimetterinde aıtylǵan.
Onyń qurylymynda et pen balyqty satyp alýǵa jumsalǵan shyǵystardyń úlesi 23,5 paıyzdy, sút, maı jáne toń maı ónimderi men jumyrtqa – 16,7 paıyzdy, jemister men kókónister – 9,6 paıyzdy, nan jáne jarma ónimderi – 8 paıyzdy, qant, shaı jáne dámdeýishter – 2,2 paıyzdy qurady.