2012 jylǵy aqpanda azyq-túlik taýarlarynyń baǵasy 2011 jylǵy aqpanmen salystyrǵanda 5%-ǵa ósti – QR Statıstıka agenttigi

ASTANA. 1 naýryz. QazAqparat - 2012 jylǵy aqpanda 2011 jylǵy tıisti aımen salystyrǵanda kondıterlik ónimderge baǵa  8,2 paıyzǵa, toqash jáne un ónimderine – 6,6

paıyzǵa, sút ónimderine – 6,2 paıyzǵa, kofe, shaı jáne kakaoǵa – 5,4 paıyzǵa, alkogoldi ishimdikterge – 4,4 paıyzǵa, makaron ónimderine – 4,3 paıyzǵa, sondaı-aq nanǵa – 2,1 paıyzǵa, maı jáne toń maıǵa – 1,8 paıyzǵa, jarmaǵa – 1,7 paıyzǵa ósti.

Budan bólek, baǵanyń tómendeýi qantqa 19,5 paıyz, jemister men kókónisterge – 15,8 paıyz, unǵa – 3 paıyz deńgeıinde baıqaldy.

Atalǵan kezeńde et jáne et ónimderi baǵasynyń ósimi 20,2% qurady. Sıyr etine baǵa deńgeıi 29,1 paıyzǵa, qoı etine – 28 paıyzǵa, jylqy etine – 22,2 paıyzǵa, shoshqa etine – 15,2 paıyzǵa, shujyq ónimderine – 10,3 paıyzǵa, qus etine – 5,4 paıyzǵa joǵary boldy.