2012 jyldyń sońyna qaraı aýyldarda ortalyqtandyrylǵan sýmen jabdyqtaý júıesine qosylý kórsetkishi 40 paıyzdan asady

ASTANA. 6 qarasha. QazAqparat - Qazaqstanda aǵymdaǵy jyldyń  sońyna qaraı  aýyldyq jerlerde ortalyqtandyrylǵan sýmen jabdyqtaý júıesine qosylý kórsetkishi 43 paıyzdy quraıtyn bolady, dep habarlady QR Premer-Mınıstriniń resmı saıty Qurylys jáne TKSh isteri jónindegi agenttik baspasóz qyzmetine silteme jasap.

«Aq bulaq - 2020» baǵdarlamasynyń aıasynda 2012 jyldyń aıaǵyna qaraı aýyldyq eldi-mekenderde ortalyqtandyrylǵan sýmen jabdyqtaý júıesine qoljetimdilik - 43,  sý burý qyzmetterine qosylý - 10 paıyz quraıdy», - delingen agenttik baspasóz qyzmetiniń habarlamasynda

Al qalalarda bul kórsetkishti 90 paıyzǵa deıin arttyrý josparlanýda. Oǵan qosa,  jyldyń sońyna deıin qala turǵyndaryn jeke esepteý quraldarymen qamtý kórsetkishi 84 paıyzdy quraıtyn bolady.

Sondaı-aq,  2012 jyldyń sońyna deıin jóndeý jumystaryna muqtaj jylý,  elektr jáne gazben jabdyqtaý jelileriniń úlesterin 61, 71, 53 paıyzǵa deıin tómendetý josparlanýda.

Jalpy alǵanda, aǵymdaǵy  jyly elimizdiń sý sharýashylyǵy sektorynda 342 joba iske asyrylady, onyń ishinde 104 joba qalalyq  sýmen  jabdyqtaý jáne sý burý jelilerin damytýǵa baǵyttalsa, 238 joba aýyldyq jerlerdegi sýmen jabdyqtaý júıesin damytýǵa baǵyttalǵan.

Elbasynyń tapsyrmasy boıynsha qolǵa alynyp otyrǵan «Aq bulaq-2020» baǵdarlamasyn iske asyrý barysynda barlyq aýyldyq eldi mekenderdiń 80 paıyzynda, qalalyq eldi mekenderdiń  100 paıyzynda  ortalyqtandyrylǵan sýmen qamtý júıelerine halyqtyń qolyn jetkizý, barlyq aýyldyq eldi mekenderdiń 20 paıyzynda, qalalyq eldi mekenderdiń 100 paıyzynda halyqtyń qolyn ortalyqtandy­ryl­ǵan káriz júıesiniń qyzmetine jetkizý kózdelip otyr.