2011 jyly memlekettik tildi úıretetin ortalyq sanyn 120-ǵa jetkizý josparlanýda - Qanat Saýdabaev
Bul týraly búgin Memlekettik tildi damytý prezıdenttik qory qamqorshylyq keńesiniń 2-shi otyrysynda keńes tóraǵasy, Memlekettik hatshy - Syrtqy ister mınıstri Qanat Saýdabaev málimdedi, dep habarlaıdy QazAqparat.
«Memlekettik tildiń damýy elimizdiń bolashaǵynyń baıandy bolýymen tikeleı baılanysty. Sondyqtan týǵan tildiń taǵdyry memleket tarapynan nazardan eshqashan tys qalǵan emes, qalmaıdy da. Qazir elimizdiń aýmaǵynda memlekettik tildi úıretetin 64 ortalyq jumys isteıdi. Al 2011 jyly olardyń sanyn 120-ǵa jetkizý josparlanýda», dedi Q. Saýdabaev.
Onyń aıtýynsha, tildi damytýǵa sońǵy bes jylda 5 mıllıardtan astam teńge bólindi. «Búginde 25 myńnan asa ulty qazaq emes oqýshy qazaq mektepterinde bilim alýda. 20 myń bala qazaq balabaqshalarynda barady. 200 jeksenbilik mektepte 7 myńnan astam ózge ult balalary qazaq tilin úırenýde», dep atap kórsetti ol.