2011 jyly Qazaqstanǵa kóleńkeli jolmen 3 mlrd. dollardyń taýary ákelindi
Bul týraly búgin Almatyda ótken «Kóleńkeli ekonomıka jáne kóshedegi bazar: múmkindikteri men áleýmettik-saıası jáne ekonomıkalyq táýekelderi» atty konferentsııada aıtyldy.
«Qazaqstan men Qytaıdyń kedendik qyzmetterindegi sáıkessizdik 1,2-den 1,5 mlrd. dollardy, Qazaqstan men Túrkııa arasynda 0,4 mlrd. dollardy qurady. Qyrǵyzstannan Qazaqstanǵa erkin tasymaldanatyn Qytaı, Reseı, Túrkııa taýarlary 0,8 mlrd. dollar, Reseıden tasymaldanatyn taýarlar 0,8 mlrd. dollar, BAÁ-nen áýekóligi arqyly keletin taýarlar 0,6 mlrd. dollar boldy. Kóleńkeli ımporttyń kólemi aǵymdaǵy jyly da ózgerissiz qalady», - deıdi Kedendik brokerler qaýymdastyǵynyń prezıdenti Gennadıı Shestakov.
Onyń aıtýynsha, Keden komıtetiniń málimetterine qaraǵanda, 2011 jyldyń sáýirinde bıýdjetke 8 myń, kóleńkeli kassaǵa 22 myń dollar túsken. Bıyl aqpanda túsimder bıýdjette 15 myń, kóleńkeli kassada 35 myń dollar, al sáýirde bıýdjette 40 myń, kóleńkeli kassada 15 myń dollardy quraǵan. Endi aǵymdaǵy jyldyń sońynda bıýdjetke túsetin túsimdi 70 myń dollarǵa deıin ulǵaıtyp, kóleńkeli kassany joıý josparlanyp otyr.
G.Shestakovtyń sózine qaraǵanda, «kóleńkeli júk jyl basynda 60 paıyz bolsa, qazir 40 paıyzdy quraýda. Qazirgi tańda Qyrǵyzstan arqyly tasymaldanatyn kóleńkeli júk azaıǵanmen, Ózbekstan men Túrikmenstan arqyly jańa baǵyttar ashylýda. Búgingi tańda ár avtomobıldiń kedendegi kóleńkeli tólemi 30 myń dollar quraýda».