2011 jyly Indýstrııalandyrý kartasyna engizilgen jobalar 510 mlrd. teńgeniń ónimin óndirdi
Bul Aqmola oblysynyń óndiristik ónimin eki eselegendegi nemese Aqtóbe oblysynyń barlyq óndirisi kóleminiń 40 paıyzyna tatıtyn kórsetkish.
Indýstrııaldy-ınnovatsııalyq memlekettik qoldaýdyń qyzmeti jónindegi Zańnyń iske asyrylý barysyn búgin ótkizilgen Senattyń ekonomıkalyq damýy boıynsha keńeste Indýstrııa jáne jańa tehnrorgııalar vıtse-mınıstri Albert Raý aıtty.
A. Raýdyń aıtýynsha, aǵymdaǵy jyldyń birinshi toqsanynda Indýstrııalandyrý kartasy jobasymen 170 mlrd. teńgege ónim óndirildi, jyl sońyna deıin bul kórsetkish 700 mlrd. teńge deńgeıine deıin jetýi múmkin.
Sońǵy aktýaldandyrýdan keıin elimizdiń Indýstrııalandyrý kartasynda iske asyrylýy tıis 11 trln. teńgelik 705 joba bar. 2010-2011 jyldary Qazaqstanda 1,8 trln. teńgege 389 joba iske qosyldy. Jobalardyń shamamen 40 paıyzy 70 paıyzdan astam jobalyq qýattylyqqa shyqty.
Qazaqstanda buryn shyǵarylmaǵan 106 ónim óndirildi, onyń ishinde metall qurylǵylar, týrbındik estakadalar, kompozıtsııalyq metalplastıkalyq qubyrlar, energııa kózin únemdeıtin jaryq shamshyraqtar jáne t. b. ónimder bar.