2011 jylǵy qańtar-qazan aralyǵynda elimizde jekelegen taýarlar túrleriniń resýrstar qurylymynda ózgerister oryn aldy

ASTANA. 21 jeltoqsan. QazAqparat /Qanat Mámetqazyuly/ - QR Statıstıka agenttiginiń taratqan málimetterine qaraǵanda, 2011 jylǵy qańtar-qazan aılary aralyǵynda jekelegen azyq-túlik taýarlarynyń resýrstar qurylymynda otandyq óndiris ónimder úlesi eleýli joǵarylaýy baıqaldy.

Atap aıtqanda, jarma 2010 jyldyń tıisti kezeńmen salystyrǵanda 9,1 paıyzdyq tarmaqqa, margarın jáne soǵan uqsas ónimder 8,9 paıyzdyq tarmaqqa, sút ónimderi 5,0 paıyzdyq tarmaqqa, makarondar, kespeler, unnan jasalǵan uqsas ónimder 2,5 paıyzdyq tarmaqqa kóterilgeni baıqalady. Al azyq-túlik emes taýarlardyń naryǵynda óndiristiń ósimi mıneraldy nemese hımııalyq azotty tyńaıtqyshtar 2010 jylǵy tıisti kezeńge qatynasy boıynsha 28,4 paıyzǵa, ǵanyshkarton 11,1 paıyzǵa, tsement 10,7 paıyzǵa teń boldy. Bul rette resýrstardaǵy qazaqstandyq qamtý úlesi tıisinshe 3,8 jáne 3,4 paıyzdyq tarmaqqa joǵarylaýyna jaǵdaı týdy.