2011 jyldyń 9 aıynda qazaqstandyq úles 58,25 paıyzdy qurady

ASTANA. 12 jeltoqsan. QazAqparat - 2011 jylǵy 9 aıdyń qorytyndysyna sáıkes taýar, jumystar men qyzmetterdi satyp alý kólemi 5 942 mlrd. teńgeni qurady,

dep habarlaıdy Pm.kz. saıty úshin QR Indýstrııa jáne jańa tehnologııalar mınıstrligi.

«Sonymen qatar, otandyq ónim jetkizýshilerden satyp alý 3 461,5 mlrd. teńgeni qurady. Taýar, jumystar men qyzmetterdegi qazaqstandyq úles 58,25 paıyzdy qurady», - delingen vedomstvonyń habarlamasynda.

Qazaqstandyq úlesti damytýdyń 2010-2014 jyldarǵa arnalǵan baǵdarlamasy aıasynda básekege qabiletti taýarlardyń, jumystar men qyzmetterdiń otandyq óndirisin turaqty damytý, sondaı-aq olardy ishki naryqqa shyǵarý úshin jaǵdaı jasaý kózdelgen.