2010 jyly ÚIID MB aýqymynda iske qosylǵan jeti joba toqtap tur - QR Úkimetindegi selektorlyq keńes
Keńeske ortalyq jáne jergilikti atqarý organdarynyń, ulttyq kompanııalardyń basshylary qatysty, dep habarlady QR Premeriniń baspasóz qyzmeti.
QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev esepti baıandama jasady.
«Indýstrııalandyrý kartasy aýqymynda úsh jylda 537 joba iske qosyldy. 1,4 trln. teńgeniń ónimderi shyǵaryldy. 2010 jyldan bastap óńdeý ónerkásibiniń ornyqty ósimi baıqaldy. Ónerkásip óndirisindegi fızıkalyq kólem ındeksi 2012 jyldyń 11 aıynda 2011 jyldyń osy kezeńimen salystyrǵanda eldiń 12 aımaǵynda ósti. Indýstrııalandyrý kartasy jobalarynyń ekonomıkaǵa bergen tıimdiligi eleýli», - dep túıindedi vıtse-mınıstr.
Sonymen qatar Á.Isekeshev ÚIID MB júzege asyrýda «problemalar bar jáne nazar aýdarýdy qajet etedi» dep atap ótti. «2012 jyly iske qosylǵan jobalardyń ishinde jeteýi toqtap tur. Budan basqa ekinshi jartyjyldyqta tanystyrylǵan jobalardyń 18-i boıynsha iske qosý aktileri áli usynylǵan joq», - dep habarlady Á.Isekeshev. Vıtse-mınıstr, onyń pikirinshe, ÚIID MB júzege asyrý qarqynyn tómendetip otyrǵan birqatar sebepterdi atady.
Keńes barysynda ortalyq jáne jergilikti atqarýshy organdardyń basshylary baıandama jasady.
Keńesti qortyndylaı kelip, Premer-Mınıstr ÚIID MB men Indýstrııalandyrý kartasy jobalaryn júzege asyrý máselelerine «tıisti nazar aýdarmaı jáne nashar úılestirip otyrǵan» atqarýshy organdardy synǵa aldy.
«Búginde Baǵdarlamany júzege asyrý ortalyqtan óńirlerge aýysýda. Kóp jaǵdaıdarda óńirlerde otandyq, sondaı-aq sheteldik ınvestıtsııalar tartý jóninde jumystar júrgizilmeı otyr derlik. Orta merzimdi perspektıvada jańa tehnologııalar men óndiristerge kóshýdi qamtamasyz etý, óńirlerimizdiń ekonomıkalyq ósimderi rezervterin paıdalaný jónindegi jumysty jandandyrý qajet», - dep atap kórsetti S.Ahmetov.
Keńes qorytyndysymen Úkimet basshysy ókiletti organdarǵa ÚIID MB josparlanǵan maqsatty ındıkatorlarynyń atqarylýyna qatań monıtorıngti qamtamasyz etýdi, sondaı-aq 2013-2014 jyldarǵa arnalǵan ÚIIID MB júzege asyrý shparalarynyń egjeı-tegjeıli josparyn jasaýdy tapsyrdy.
«Árbir problemalyq joba boıynsha jobalardy josparly qýattaryna shyǵarý sharalarynyń jospary bekitildi. Onyń oryndalýyna qatań baqylaý ornatý qajet. Biryńǵaı ekonomıkalyq keńistikke qatysý jáne elimizdiń aldaǵy ýaqytta DSU-ǵa kirýimen baılanysty búgingi kúnniń talaptaryn eskere otyryp, jobalardy júzege asyrýda táýekelderdi barynsha azaıtý úshin máselege pragmatıkalyq turǵydan kelý qajet. Prezıdent aldaǵy eki jylda ÚIID MB alǵashqy besjyldyǵyn oıdaǵydaı aıaqtaý mindetin qoıdy. Memleket basshysy alǵa qoıǵan mindetterdiń barlyǵyn biz tolyq kóleminde oryndaıtyn bolamyz», - dep atap kórsetti S.Ahmetov.