«2010 jyldyń aıshyqty 10 oqıǵasy»-respýblıkalyq basylymdarǵa sholý

ASTANA. 30 jeltoqsan. QazAqparat - Qazaq aqparat agenttigi respýblıkalyq basylymdarda 30 jeltoqsan, beısenbi kúni shyqqan ózekti materıaldarǵa sholýdy usynady.

***

«Aıqyn» gazetiniń búgingi nómirinde «2010 jyldyń aıshyqty 10 oqıǵasy» degen taqyryppen maqala jarııalandy. Onda jyldyń mańyzdy 10 oqıǵasynyń reıtıngisi usynylǵan. Basylymnyń baǵalaýynsha, 2010 jyldyń aıshyqty 10 oqıǵasy mynalar: №1. EQYU sammıti, Astana deklaratsııasy; №2. Qyrǵyz daǵdarysy; №3. Ult kóshbasshysy týraly zańnyń qabyldanýy; №4. Dosqalıevtiń isi; №5. Halyq sanaǵynyń qorytyndysynyń resmı túrde jarııalanýy; №6. «El birligi» doktrınasynyń ulttyq baǵytta qabyldanýy; №7. Til saıasatynyń birshama alǵa jyljýy; №8. Jas mınıstrlerdiń reıtıngisiniń artýy; №9. Kedendik odaq iske qosylýy; №10. Referendým ótkizý týraly bastamanyń kóterilýi.

«Qazaq halqynyń 2011 jyldan da kúteri kóp. Qa­zaqstan keler jyly Islam kon­ferentsııasy uıymyna tóra­ǵalyq etýmen qatar, EQYU basshy­lyǵynyń «úshtiginen» de alys­tamaı­dy. Bul arada sa­rap­­shylar «bılik dinı jáne ulttyq ba­ǵyttaǵy másele­lerge de erekshe nazar aýdarady» dep úmittenedi. Ras, 2010 jyly elimizdiń halyq­aralyq are­nada­ǵy dárejesi ósti, biraq 2011 jyly bılik ishki máse­lelerge bet burýy qajet»,- delingen maqalada.

Sonymen qatar «Aıqynnyń» búgingi sanynda «Ata zańǵa ózgerister enetin boldy» degen taqyryppen kólemdi maqala basyldy. «Tómengi palatanyń jalpy otyrysynda qos shatyrly Par­lament depýtattary «Qazaqstan Res­pýb­lıkasynyń Konstıtýtsııasyna ózgeris engizý máselesi boıynsha Qazaqstan Res­pýblıkasy Prezıdentiniń respýb­lı­kalyq referendým taǵaıyndaýy týraly» máseleni qarap, Úndeý joldady. «Parla­ment Qazaqstan Konstıtýtsııasynyń 24-baby, 2-tarmaǵy, 3-tarmaqshasyn basshylyqqa ala otyryp, Qazaqstandy qurý men nyǵaıtý isine baǵa jetpes úles qosqan, Otanymyzdy progress pen gúl­dený jolyna bastap kele jatqan, táýelsiz memleketimizdiń negizin qalaýshy ári ony qurýshy retinde Sizge - Tuńǵysh Prezı­dent - Elbasyna respýblıkalyq re­feren­dým taǵaıyndaý bastamasymen Ún­deý joldaıdy, - dep qaıyrylady de­pýtattar óz Úndeýlerinde Nursultan Nazarbaevqa, - jáne oǵan «Siz respýb­lı­kalyq referendýmda Tuńǵysh Pre­zıdent - Elbasy N.Nazarbaevtyń Pre­zıdenttik ókilettiligin uzartý merzimin kózdeıtin Qazaqstan Konstıtýtsııasyna ózgeris engizý týraly zańdy qabyldaısyz ba?» degen máseleni shyǵarýdy ótinedi. Parlament depýtattary, Qazaqstan hal­qy sekildi, elimizdiń jarqyn bolashaǵyn tek Sizben jáne Sizdiń esimimińizben baılanystyrady», - delingen maqalada. Bul jaıynda tolyq bilgińiz kelse, basylymnyń búgingi nómirine zer salyńyz.

***

"Mıssııa posla zavershena". «Kazahstanskaıa pravda» gazetiniń búgingi sanynda osyndaı taqyryppen jaryq kórgen aqparatta keshe QR Parlamenti Senatynyń Tóraǵasy Qasym-Jomart Toqaev AQSh-tyń Qazaqstandaǵy elshisi Rıchard Hoýglandty onyń bizdiń elimizdegi dıplomatııalyq qyzmetiniń aıaqtalýyna baılanysty qabyldaǵany jazylǵan. «Kezdesýde ekijaqty qatynastardy odan ári nyǵaıtý máselelerine qatysty tóraǵa Qazaqstan AQSh-pen kóp josparly yntymaqtastyqty, onyń ishinde parlamenttik únqatysýdy jalǵastyrýǵa múddeli ekenin aıtty. Q.Toqaev Qazaqstan-Amerıka yntymaqtastyǵyn zańnamalyq turǵyda odan ári qamtamasyz etýge Senattyń umtylysyn atap ótti. Tóraǵanyń pikirinshe, joǵary saıası deńgeıdegi ekijaqty almasý tájirıbelerin jalǵastyra berý qajet», - delingen maqalada.

Sonymen qatar atalmysh basylymnyń búgingi sanynda «Ot krepkıh kontaktov k vzaımovygodnym proektam» degen taqyryppen Qazaqstannyń Reseıdegi saýda ókili Ahmed Mestoevten alynǵan suhbat jaryq kórdi. Suhbatynda Ahmed Mestoev Qazaqstan men Reseı arasyndaǵy saýda-sattyqtyń keleshegi jáne Keden odaǵy qurylǵannan keıingi bul baǵyttaǵy perspektıvalar jaıly oıymen bólisken.

***

«Ekspres K» gazetiniń búgingi nómirinde «I snova "Skonto» atty maqala basyldy. Onda fýtboldan Santk-Peterbor qalasynda ótetin 2011 jylǵy Dostastyq kýbogy úshin jarystyń kúntizesi anyqtalǵany jazylǵan. Bul jarysta Qazaqstan namysyn 2010 jylǵy el chempıony - Qostanaıdyń «Tobyl» komandasy qorǵaıdy. «Jerebe nátıjesinde Qazaqstan chempıony «Tobyl» "Skonto"(Latvııa), "Mıka" (Armenııa) jáne "Býnedkor" (Ózbekstan) komandalarymen birge «V» tobynda oınaıtyn boldy. Qostanaılyqtar týrnırdi 15 qańtarda "Býnedkormen" kezdesýden bastaıdy. «Tobyl» kelesi kúni "Mıkamen" oınaıdy. Al toptyq týrnırdegi sońǵy matchyn «Skontomen» ótkizedi. Bizdiń komanda shırek fınalǵa shyqqan jaǵdaıda, «A» tobyndaǵy úzdik shyqqan komandalardyń birimen kezdesedi», - delingen maqalada.