2010 jyldan beri Qazaqstanda jalaqy boıynsha qaryz bes esege tómendedi - Bas prokýratýra
«Memlekettik organdar men prokýratýra organdarynyń tarapynan qabyldanǵan sharalardyń arqasynda problemaly kásiporyndarda jalaqy boıynsha qaryzdardy turaqty túrde tómendetýge qol jetkizildi. 2010 jyldyń basynan beri jalaqy boıynsha bereshek 5 eseden astam kórsetkishke tómendep, qazirgi kezde 5 myń jumysshy aldynda 800 mln. teńgeni qurap otyr. Qaryzdyń eleýli bóligi bankrottyq kezeńinen ótip jatqan kásiporyndarǵa tıesili»,-dep toqtaldy ol.
A. Kravchenkonyń aıtýynsha, memlekettik organdarmen birlese atqarylǵan jumystar men keshendi qadamdar nátıjesinde barlyq eńbek daýlarynda quqyqtyq sheshimder jasaldy. Taldaýǵa qaraǵanda, bul daý-damaılardyń kópshiligi jalaqyny ýaqtyly tólemeý negizinde oryn alýda.
Atap aıtqanda, jyl basynan beri qadaǵalaý organdary azamattardyń 100 myńnan astam eńbek quqyqyn buzý faktisiniń jolyn kesti, sondaı-aq prokýrorlyq qadaǵalaýdyń 2 myńǵa jýyq aktisin engizdi. Azamattardyń eńbek quqyǵyn buzǵany úshin 3,5 myńnan astam adam túrli jaýapkershilikke tartyldy.