2010-2011 jyldardyń bıýdjetinde eksporttaýshylardyń shyǵynyn óteýge 2,5 mlrd. teńge qarastyrylǵan - J. Aıtjanova

azannyń 6-sy. QazAqparat /Qanat Mámetqazyuly/ -2010-2011 jyldardyń bıýdjetinde eksportaýshy-kompanııalardyń shyǵynyn óteýge 2,5 mlrd. teńge qarastyrylǵan. Bul týraly búgin QR Parlamenti Májilisiniń jalpy otyrysynda Eonomıkalyq damý jáne saýda mınıstri Janar Aıtjanova málim etti.

«QR Úkimeti eksporttaýshylardyń jarııalanymdary, broshıýralary, kórmelerin uıymdastyrý, kadarlar daıarlaý, merketıngtik zertteýler máselelerine qatysty aǵymdaǵy jyldyń respýblıkalyq bıýdjetinen 1 mlrd. teńge qarastyrylǵan bolatyn. Dál osylaısha, 2011 jylǵy bıýdjette de 1,5 mlrd. teńge eksporttaýshylardyń shyǵynyn óteýge qarastyrylyp otyr», dedi J. Aıtjanova.

Mınıstrdiń aıtýynsha, el ekonomıkasynyń ındýstrııalyq-ınnovatsııalyq baǵdarlamasyn júzege asyrý sheńberinde otandyq taýarlardy eksportqa shyǵarý máselesine erekshe nazar aýdarylady. «Osyǵan baılanysty zańnamalyq deńgeıde eksportty damytý men eksportqa shyǵarý jónindegi ulttyq uıymnyń maqsat, mindeti aıqyndalyp otyr. Onyń ishinde otandyq taýarlardy eksporttaý úshin servıstik kómek berý, joǵary quny bar otandyq taýarlardy syrtqa shyǵarý shyǵyndarynyń bir bóligin memleket tarpynan qarjylandyrý mindettemeleri bekitilgen», dedi Ekonomıkalyq damý mınıstri.