2009 jyldyń birinshi jartyjyldyǵynda taýarlardy, jumystardy, kórsetiletin qyzmetterdi satyp alýda qazaqstandyq úles 57 paıyzdy qurady

ASTANA. Jeltoqsannyń 4-i. QazAqparat /Qanat Mámetqazyuly/ -2009 jyldyń birinshi jartyjyldyǵynda taýarlardy, jumystardy, kórsetiletin qyzmetterdi satyp alýda qazaqstandyq úles shamamen 57 paıyzdy ǵana qurady. Bul týraly QR Parlamenti Senatynda «Taýarlardy, qyzmetterdi satyp alý barysynda qazaqstandyq qamtý úlesin arttyrýdyń memlekettik saıasaty» atty taqyrypta ótken dóńgelek ústel jıynynda Senat Tóraǵasynyń orynbasary Muhambet Kópeı málim etti,

 

   dep habarlaıdy QazAqparat.

 Senatordyń aıtýynsha, 2008 jyly memlekettik organdar satyp alǵan taýarlardyń, jumystar men kórsetiletin qyzmetterdi satyp alý kóleminde qazaqstandyq qamtylymnyń úlesi 60 paıyzdy ǵana quraǵan. Al jer qoınaýyn paıdalanýshylardyń satyp alýynda otandyq taýarlar úlesi 10 paıyzdan, ulttyq kompanııalarda 50 paıyzdan sál ǵana asqan. «2009 jyldyń birinshi jartyjyldyǵynda taýarlardy, jumystardy, kórsetiletin qyzmetterdi satyp alýda qazaqstandyq qamtylym shamamen 57 paıyzdy ǵana qurapty. Bunyń ishinde taýarlardy satyp alýdyń mólsheri bar bolǵany 39-aq paıyz. Jumystardy satyp alýda qazaqstandyq úles 75, kórsetiletin qyzmetterde  70 paıyzǵa jýyq bolyp otyr. Ótkizý naryqtarynyń aýqymy taryla túsip, aınalym qarajaty shektelip otyrǵan búgingi jaǵdaıda qazaqstandyq qamtylymnyń kólemin ulǵaıtý otandyq kásiporyndardy qoldaýdyń negizgi tásilderi men ındýstrııalyq-ınnovatsııalyq damýdyń basty tetikteriniń birine aınalýy tıis», dedi M. Kópeı.

 Sonymen birge, senator qazirgi ahýaldy túbegeıli ózgertý jolynda birshama kedergiler de kezdesip otyrǵanyn alǵa tartty. Onyń aıtýynsha, kedergilerdiń qatarynda satyp alý úderisiniń ashyqtyǵy problemasy, osy úderistiń jemqorlyqpen ushtasatyn sıpaty da bar bolyp otyr.