2008 jyldan beri qazaqstandyqtar 54 myńnan astam atys qarýyn óz erkimen tapsyrǵan
12:40, 23 Tamyz 2022
NUR-SULTAN. QazAqparat – 2008 jyldan beri ishki ister organdaryna el halqy óz erkimen 54 myńnan astam atys qarýyn tapsyrdy, dep habarlaıdy QazAqparat tilshisi.
«Qoǵamdyq qaýipsizdikti qamtamasyz etý jáne atys qarýyn qoldana otyryp jasalatyn qylmystardyń aldyn alý maqsatynda mınıstrlik jyl saıyn halyqtan zańsyz saqtalǵan atys qarýyn, oq-dáriler men jarylǵysh zattardy satyp alý boıynsha aktsııalar ótkizedi. Bıyl atalǵan aktsııa 25 sáýirde bastaldy, bul maqsatqa respýblıkalyq bıýdjetten 88,7 mln teńge bólindi», - delingen Іshki ister mınıstrligi baspasóz qyzmetiniń málimetinde.
Іs-shara qorytyndysy boıynsha ishki ister organdaryna 1 myńnan astam azamat júgindi. Olar 1,3 myń atys qarýyn, 9 myńnan astam oıyq uńǵyly qarý patrondaryn óz erkimen tapsyrdy.
Vedomstvo halyqtan qarý-jaraq zattaryn satyp alý boıynsha is-sharalardy 2008 jyldan beri ótkizip kele jatqanyn atap ótý qajet. Osy kezeńde azamattar óz erkimen jalpy somasy 1,8 mlrd teńgege 54 myńnan astam atys qarýyn, 2 mln-nan astam oıyq uńǵyly qarý patrondaryn tapsyrdy.
Foto: sosnovosti.ru