200 oqý ornyn bilikti maman daıarlaı alatyndaı deńgeıge jetkizý kerek - Ásıma Bımendına

NUR-SULTAN. QazAqparat - Qazaqstan Prezıdenti Qasym-Jomart Toqaev usynǵan 10 baǵytty iske asyrýǵa ár azamat óz úlesin qosa bilse, bizdiń memleket alǵa basary anyq. Mundaı pikirdi «Kásipqor» holdıngi» KEAQ Basqarma tóraǵasynyń orynbasary, eks-májilismen Ásıma Bımendına aıtty, dep habarlaıdy QazAqparat tilshisi.

«Ár memlekette osyndaı bir mańyzdy kezeńder bolady. Sondaı ýaqyttan biz de ótkeli otyrmyz. Árıne, Prezıdent qoıǵan 10 baǵytta atalyp ótkendeı, eń birinshiden ár azamat memlekettiń damýyna óz úlesin qossa - bul adamǵa da, qoǵamǵa da úlken paıda. Sebebi, aldymyzda Elbasy aıtqan armanymyz bar: Qazaqstan 30 damyǵan eldiń qataryna mindetti túrde kirýi kerek. Sol sebepti, barlyq kúsh-jiger osyǵan jumyldyrylýy kerek», - dedi Ásıma Bımendına Qazaqstan strategııalyq zertteýler ınstıtýty uıymdastyrǵan «Prezıdent Q. Toqaevtyń 10 mindeti: el damýynyń jańa deńgeıi» atty dóńgelek ústelde.

Basqarma tóraǵasynyń orynbasary basymdyq berilgen 10 baǵyttyń ishinde úsheýine erekshe toqtaldy.

«Bilim salasynda eńbek etip júrgendikten, myna baǵyttar týraly aıta ketsem deımin: birinshiden, ádiletti áleýmettik saıasat. Álbette, sapaly bilim alǵymyz kelse, eń aldymen jastarǵa bilim berip jatqan kadrlarǵa mańyz berýimiz kerek. Osyǵan baılanysty, dárigerler sekildi muǵalimderdi qoldaý - mańyzdy sharýa. Naqty tapsyrmalar qoıyldy. Sol sebepten, birshama ózgeris kútip otyrmyz. Ekinshiden, jastardy jumysqa turǵyzý máselesi de óte ózekti. Qazirgi tańda bizdiń holdıng jańa bilim baǵdarlamalaryn ázirleýmen aınalysady. Kúni erteń bizdiń kolledjderden oqý bitirip, eńbek naryǵyna shyqqan jastar qoǵamda óz ornyn taba bilýi kerek. Sol sebepti, bul maqsatqa tolyqqandy jetý bizdiń salaǵa tikeleı baılanysty», - dedi ol.

Ásıma Bımendınanyń aıtýynsha, 2019 jyl - Jastar jyly dep jarııalanǵandyqtan, «Jas maman», «Jastar - el tiregi» baǵdarlamalary tolyqqandy júzege asyrylýy tıis.

«ıAǵnı, eń kerekti 100 mamandyq pen úzdik 200 oqý ornyn halyqaralyq deńgeıde biliktiligi joǵary mamandardy daıarlaı alatyndaı deńgeıge saı etýimiz kerek. Eger árbirimiz Prezıdenttiń 10 baǵytyn iske asyrýda óz úlesimizdi qosa bilsek, bizdiń memleket alǵa basary anyq», - dedi Ásıma Bımendına.

Eske sala ketsek, Qasym-Jomart Toqaev Prezıdent qyzmetine resmı kirisý rásiminde memleketti damytý jolynda 10 baǵytqa basa mán berý kerektigin málim etken edi.