200 mlrd teńgege jýyqtady: Sý tasqyny kezinde qaı kásipker eń kóp qarjy bóldi

<p>ASTANA. KAZINFORM &ndash; Otandyq bıznes ókilderi sý tasqynynan zardap shekken jandarǵa belsendi qoldaý kóresetip jatyr. Іri kásipkerler men kompanııalar qaıyrymdylyq qorlary arqyly tehnıka, gýmanıtarlyq jáne qarjylaı kómek kórsetýde. Búginde qaıyrymdylyq qoryna túsken jalpy soma 190 mlrd teńgeden asty.</p>

Eýrazııalyq toptyń (ERG) aktsıonerleri sý tasqynynan zardap shekken qazaqstandyqtarǵa kómekke 40 mlrd teńge bóldi. Aqsha sý basqan eldi mekenderdegi úıler men ınfraqurylymdy qalpyna keltirýge jumsalady. Buǵan deıin ERG 500 mln teńge, al «Eýrazııalyq bank» 450 mln teńge bólgen edi.

Qazaqmys, KAZ Minerals, AltynAlmas, Qarajyra jáne RBK Bank kompanııalar toby sý tasqynynan zardap shekken qazaqstandyqtarǵa kómek kórsetý úshin qosymsha 40 mlrd teńge bóledi. Bólingen qarajat ınfraqurylymdy qalpyna keltirýge jáne áleýmettik nysandardy, onyń ishinde balabaqshalardy, mektepterdi, aýrýhanalardy, sondaı-aq turǵyn úılerdi salýǵa baǵyttalady.

Kásipker Tımýr Qulybaev Atyraý oblysyn qalpyna keltirýge 30 mlrd teńge bóldi. Aqsha turǵyn úılerdi qaıta jóndeý jáne salýǵa, ınfraqurylymdy qalpyna keltirýge, sondaı-aq tabıǵı apattan zardap shekken azamattardy qoldaýǵa jumsalady.

Kaspi.kz-tiń teń quryltaıshylary Vıacheslav Kım men Mıhaıl Lomtadze sý tasqyny kezinde zardap shekken qazaqstandyqtarǵa kómektesý úshin 20 mıllıard teńge aýdarady. Bólingen qarajat Soltústik Qazaqstan jáne Aqmola oblystaryna turǵyn úıdi qalpyna keltirýge, satyp alýǵa jáne salýǵa jumsalmaq. Buǵan deıin qazaqstandyqtar «Biz birgemiz Qazaqstan» qorynan shamamen 80 mln teńge jınaǵan, al Kaspi.kz bul somany 200 mln teńgege deıin ulǵaıtty.

«Samuryq-Qazyna», «QazMunaıGaz», «Qazatomónerkásip», «Qazaqstan temir joly», «Qazaqgaz», «Kegoc», «Qazaqtelekom», «Eır Astana», «Samuryq-Energo» qorynyń korporatıvtik ortalyǵy sý tasqynynan zardap shekken jandarǵa kómek kórsetý úshin «Samruk-Kazyna Trust» qaıyrymdylyq qoryna 15 mlrd teńge aýdardy.

Elimizdegi sý tasqyny saldarymen kúreske úlesin qosqan kásipkerler men kompanııalar:

ERG – 40,5 mlrd teńge;

«Qazaqmys», KAZ Minerals, «AltynAlmas», «Qarajyra» ı RBK Bank – 40 mlrd teńge;

Tımýr Qulybaev – 30 mlrd teńge;

Vıacheslav Kım jáne Mıhaıl Lomtadze – 20 mlrd teńge;

«Samuryq-Qazyna» – 15 mlrd teńge;

«Qazaqstan halqyna» qory – 10 mlrd teńge;

Bolat Ótemuratov – 10 mlrd teńge;

Nurlan Smagulov – 6,1 mlrd teńge;

BI Group – 5,5 mlrd teńge;

Allur – 3,2 mlrd teńge;

«Teńizshefroıl» – 2 mlrd teńge;

Keńes Raqyshev ı Ásel Tasmagambetova – 1,2 mlrd teńge;

Halyk bank – 1 mlrd teńge;

Orbis Group – 1 mlrd teńge;

QazaqGaz – 1 mlrd teńge;

Freedom Holding – 1 mlrd teńge;

Bolat Ótemuratov qory – 680 mln teńge;

«Qazaqstan halqyna» qory arqyly ózgede zańdy tulǵalar – 650 mln teńgeden asa;

Astana Motors – 500 mln teńge;

Eýrazııalyq bank – 450 mln teńge;

Kusto Group – 400 mln teńge;

N. Nazarbaevtyń mádenıet, bilim jáne áleýmettik baǵdarlamalar qory – 300 mln teńge;

Mabso constructions s.a. – 250 mln teńge;

B & A Contractors SA – 250 mln teńge;

Qarmet – 200 mln teńge;

Kaspi.kz – 200 mln teńge;

QazTehna – 100 mln teńge;

«Istkomtrans» JShS – 100 mln teńge.