200-den astam shetel azamaty elden shyǵaryldy – ІІM

<p>ASTANA. KAZINFORM &ndash; Kóshi-qon zańnamasyn buzǵan 218 shetel azamaty Qazaqstan aýmaǵynan shyǵaryldy. Bul týraly Іshki ister mınıstrligi Esirtkige qarsy is-qımyl departamenti bastyǵynyń orynbasary Baqytjan Ámirhanov málim etti.</p>

«Tosqaýyl» operatsııasynyń sheńberinde kóshi-qon polıtsııasynyń qyzmetkerlerimen birlesip kún saıyn sheteldik azamattar jáne olardyń turatyn jerlerine tekserister júrgiziledi. Operatsııa basynan beri kóshi-qon zańnamasyn buzýdyń 1321 deregi anyqtaldy, 218 quqyqbuzýshy eldiń syrtyna shyǵaryldy», - dedi Baqytjan Ámirhanov vedomstvoda ótken baspasóz máslıhatynda. 
Odan bólek, mınıstrlik ókili 5-9 aqpan aralyǵynda ótken «Tosqaýyl» jedel-profılaktıkalyq is-sharasy barysynda basqa da qylmystardyń ashylǵanyn aıtty.

«Іzdestirý, tintý jumystary úıretilgen ıtterdiń kómegimen avtokólikterge, bagajǵa, poshtalyq bólimshelerge jáne basqa da obektilerge júrgiziledi. Sol arqyly 33 esirtki qylmysy ashyldy», - deıdi spıker.