200-den astam qoǵamdyq keńestiń quramy jańartyldy

NUR-SULTAN. QazAqparat – 2021 jyly memleket áleýmettik tapsyrystarǵa 14,5 mlrd teńge bóldi. Bul týraly QR AQDM Azamattyq qoǵam isteri komıtetiniń tóraǵasy Madııar Qojahmet aıtty, dep habarlaıdy QazAqparat tilshisi.

«Úkimettik emes uıymdardyń memlekettik áleýmettik tapsyrys, granttar arqyly qarjylyq qoldaýǵa ıe bolýda. Máselen, byltyr memleket tek qana áleýmettik tapsyrystarǵa 14,5 mlrd teńge bóldi. Elimiz boıynsha qoǵamnyń san túrli baǵyty boıynsha 2 myńǵa jýyq joba iske asty. 500-den astam uıym qarjy aldy. Sondaı-aq, jalpy kólemi 1,5 mlrd teńgeni quraıtyn 50-den astam granttyq joba iske asyryldy», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, qoǵamdyq keńesterdiń qyzmeti jandandyryldy. Qoǵamdyq keńester týraly zańnamaǵa keńesterdiń rólin arttyrý bóliginde ózgerister engizildi. Osy ózgertýler kvazımemlekettik sektordyń 13 sýbektisinde qoǵamdyq keńester qurýǵa múmkindik berdi.

«Qazirgi tańda qoǵamdyq keńesterdiń sany 253-ke jetti. Olarǵa 3 myńnan astam úkimettiń emes uıymdardyń ókilderi qatysyp, memleketti basqarýǵa óz úlesterin qosýda. 200-den astam keńes óz quramyn jańartty», - dedi Madııar Qojahmet.