200 bala Almaty taýlaryn aralady
Aıta ketý kerek, «Samuryq Qazyna» Ulttyq ál-aýqat qory» AQ men ózge de demeýshiler oqýda úzdik balalar úshin relstegi lager uıymdastyrǵan bolatyn. Saıahat barysynda respýblıkanyń túkpir-túkpirinen jınalǵan balalar Qazaqstannyń barlyq kórnekti oryndaryn aralap shyqpaq.
Búgin poıyz Almatyǵa jetti. Oqýshylar «Medeý» muz aıdynyn tamashalap, aspaly jol arqyly Shymbulaqqa bardy.
«Balalarǵa Almatynyń florasy men faýnasy, muzdyqtar, qorshaǵan orta týraly aıtyp berdik. Bul oqýshylardyń kópshiligi qorshaǵan ortany qorǵaý taqyryby boıynsha shyǵarmashylyq baıqaýlardyń jeńimpazdary eken. Olarǵa bıiktiktiń adam aǵzasyna qalaı áser etetini týraly eksperıment kórsettik. Atap aıtqanda, plastık qutyny bıiktikte ashyp-jaýyp, Medeý stansasyna kelgende onyń qalaısha myjylyp qalǵanyn kórip, balalar tań qalysty. Balalar qazaqstandyq alpınıster týraly tanymdyq aqparat aldy», - dedi «Shymbulaq» taý shańǵysy kýrortynan.