20 jylda «Bolashaq» baǵdarlamasynyń stıpendııasy 10 myńnan astam Qazaqstan azamatyna taǵaıyndaldy

ASTANA. 25 qarasha. QazAqparat - «Bolashaq» baǵdarlamasynyń túlekteri negizinen jeke sektorda qyzmet etýde. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde «Bolashaq» baǵdarlamasynyń 20 jyldyǵyna oraı ótken baspasóz máslıhatynda «Halyqaralyq baǵdarlamalar ortalyǵy» AQ Prezıdenti Ǵanı Nyǵymetov málim etti.

«20 jyl ishinde stıpendııa 10 myń 25 azamatqa bólindi. Sol on myń adamnyń 6 myń 15-i Qazaqstanǵa oralyp, qazirgi kezde ekonomıkamyzdyń barlyq salasynda qyzmet etýde. «Bolashaq» túlekteri elimizdiń damýyna úlken qosyp jatyr», - dedi ol. Ǵ. Nyǵymetovtiń sózine qaraǵanda, qazirgi kezde 2,5 myńy álemniń 35 elindegi 200 ýnıversıtette oqyp jatyr. «Qalǵandary oqýǵa baǵyt alýda nemese jaqyn arda oqýǵa baratyn bolady», - dedi ol. 6 myń túlektiń 60 paıyzy qoǵamdyq-gýmanıtarlyq jáne shyǵarmashylyq mamandyqtar boıynsha bilim aldy, 38 paıyzǵa jýyǵy ınjenerlik-tehnıkalyq, al 8 paıyzy medıtsınalyq baǵyt boıynsha oqydy. «Qazirgi kezde túlekterdiń 60 paıyzy jeke sektorda, qazaqstandyq kompanııalarda, 20 paıyzy ulttyq kompanııalarda, 15 paıyzy memlekettik organdarda, al qalǵany halyqaralyq jáne úkimettik emes uıymdarda qyzmet etýde», - dep túıdi Ǵ. Nyǵymetov.