20 jylda monoqalalardaǵy halyq sany eki ese kemip ketken
«Biz monoqalalardyń túgelge jýyǵynda kóshi-qonnyń teris saldosy bar ekenin kórip otyrmyz. Sońǵy 20 jylda ondaǵy turǵyndardyń sany eki eseden astam azaıyp ketti. Munyń basty sebepteri jumys oryndarynyń tapshylyǵy, jalaqynyń azdyǵy jáne turmys sapasynyń tómendigi bolyp otyr», - dedi ol.
Onyń paıymdaýynsha, táýelsizdik jyldarynda monoqalalardy damytýǵa baǵyttalǵan birqatar baǵdarlama qabyldanǵanymen, nátıjesi bolmaǵan.
«Jaǵdaı ózgergen joq. Byltyr Altaı, Balqash, Jitiqara, Lısakovsk, Rıdder, Stepnogorsk qalalaryn keshendi damytý josparlary qabyldandy. Josparlanǵan is-sharalardyń 13%-ynyń oryndalmaı qalǵanyn aıta ketý kerek. Onyń negizgi sebepteri – ákimdikterdiń tarapynan qarjylandyrýdyń jetkiliksizdigi ári sapasyz josparlaý. Demek, jumys tásilderin ózgertý kerek. 20 monoqalada qazir 1,3 mıllıonnan astam adam turady. Bul – ájeptáýir kórsetkish. Áleýet jetkilikti. Pármendi is-qımyldar qajet», - dedi Oljas Bektenov.