20 jeltoqsanda Ertis aýdanynda 14 eldi meken aýyz sýmen qamtamasyz etiledi - Pavlodar
«Qazsýshar» RMK jurtshylyqpen baılanys qyzmetiniń mamany Azamat Bıtannyń aıtýynsha, Belovod toptyq sý qubyrynyń birinshi kezeńiniń aıaqtalýy nátıjesinde Ertis aýdanynyń 14 eldi mekeni taza aýyz sýmen qamtamasyz etiledi, dep habarlaıdy pavlodarnews.kz.
Aıta ketken jón, Belovod toptyq sý qubyrynyń qurylysy 2010 jyly «Aýyz sý» baǵdarlamasy boıynsha bastalǵan bolatyn. Bastapqyda jobany júzege asyrýǵa astanalyq «Spetsplastvodstroı» JShS kirisken. 2012 jyly kásiporyn osy ýaqytta josparlanǵan qarjynyń 55 paıyzyn ıgerdi. Naqtyraq aıtqanda, qubyrlar men elektr taratý jelileri tartylyp, eki trasnformatorly qosalqy stansa ornatyldy. Alaıda jumystyń sapasyz júrgizilýine baılanysty tapsyrys berýshige 500 mıllıon teńgeden astam qaryz bolyp qaldy. Sondaı-aq satylyp alynǵan qural-jabdyqtar urlandy. Keıin sý resýrstary komıteti atalmysh kompanııany sotqa berip, qurylys úrdisi keıinge shegerildi. Jumys tek qana 2014 jyldyń qarasha aıynan bastap qaıta jandandy. Bul rette, aýyldarǵa sý jetkizip berý mindeti "Qazsýshar" RMK-na júktelgen bolatyn. Búgingi tańda toptyq sý qubyrynyń uzyndyǵy 109 shaqyrymdy qurap otyr. Jobanyń jalpy qurylysyna 6 mıllıard 384 mln teńge bólingen.