20 jeltoqsan. Tulǵalar týǵan kún
81 jyl buryn (1942) qazaqtyń belgili jazýshysy, dramatýrg, QR Memlekettik syılyǵynyń laýreaty Dýlat ISABEKOV dúnıege keldi.
Ońtústik Qazaqstan oblysy Saıram aýdanynda týǵan. 1966 jyly Qazaq memlekettik ýnıversıtetin bitirgen.
Eńbek joly: 1967-1968 jyldary Qazaq KSR Televızııa jáne radıohabar jónindegi memlekettik komıtetinde aǵa redaktor, 1968-1970 jyldary Qazaq Sovet entsıklopedııasy bas redaktsııasynda aǵa ǵylymı redaktor, 1971-1976 jyldary «Juldyz» jýrnalynda bólim meńgerýshisi, 1976-1980 jyldary «Jalyn» baspasynda redaktsııa meńgerýshisi, 1980-1988 jyldary Qazaq KSR Mádenıet mınıstrligi repertýarlyq-redaktsııalyq kollegııanyń bas redaktory, 1988-1992 jyldary Qazaq teledıdarynyń bas dırektory, 1992-1995 jyldary «Jazýshy» baspasynyń dırektory, Qazaqstan Jazýshylar odaǵynyń hatshysy, QR Mádenıettaný ǵylymı-zertteý ınstıtýtynyń dırektory, «Mádenıet» jýrnalynyń bas redaktory bolyp istegen.
Alǵashqy áńgimesi «Jolda» 1963 jyly jarııalandy. Keıin «Beket» (1966), «Aşy bal» (1969), «Mazasyz kúnder», (1970), «Qara shańyraq» (1973), «Tirshilik» (1975) povester men áńgimeler jınaqtary, «Qarǵyn» (1980) romany basyldy. Tańdamaly povesteri «Eki jıyrma» (1983) degen atpen jaryq kórdi. Birqatar shyǵarmalary orys tiline aýdarylyp, «Polyn» (1978), «Otchıı dom» (1979), «Smıatenıe» (1986), «Novosele v starom dome» (1986) degen atpen basyldy.
Jekelegen týyndylary vengr, nemis, polıak, cheh tilderinde jarııalandy. «Rektordyń qabyldaý kúnderi» (1975), «Ápke» (1977), «Erteńdi kútý» (1979), «Muragerler» (1982), «Alystan kelgen ananas» (1984), «Kishkentaı aýyl» (1986), «Anasyn ańsaǵan qyz», «Eskertkish operatsııasy», «Eski úıdegi eki kezdesý», «Bonaparttyń úılenýi», «MuńlyqZarlyq», «Amal men aıla» t.b. pesalary respýblıkalyq, oblystyq teatr sahnalarynda qoıyldy.
Tańdaýly pesalar jınaǵy «Jeti jelken» degen atpen 1987 jyly jaryq kórdi. Jekelegen týyndylary boıynsha «Gaýhartas» (rej. Sh. Beısembaev, 1975), «Dermene» (rej. A.Áshimov, 1986), «Taýqymet» (rej.U. Qoldaýova) kórkem fılmderi túsirildi.
Qazaqstan Jazýshylar odaǵynyń M. Áýezov atyndaǵy syılyǵynyń, «Muragerler» pesasy úshin QR Memlekettik syılyǵynyń, Halyqaralyq PEN klýb, Platınaly «Tarlan» syılyqtarynyń laýreaty.
52 jyl buryn (1971) Qaraǵandy oblysy ákiminiń orynbasary Ermek Amantaıuly ALPYSOV dúnıege keldi.
Soltústik Qazaqstan oblysynda Nejdanovka aýylynda týǵan. 1993 jyly Abaı atyndaǵy Almaty Ulttyq ýnıversıtetin, al 2005 jyly Іlııas Jansúgirov atyndaǵy Jetisý memlekettik ýnıversıtetin ekonomıst mamandyǵy boıynsha bitirdi.
1993 jyly Almaty qalasynyń №156 orta mektebinde geografııa pániniń muǵalimi boldy. 1999 -2001 jyldary «Bektaýata» JShS-de býhgalter qyzmetin atqardy. 2001-2004 jyldary Almaty oblystyq Qorshaǵan ortany qorǵaý departamentiniń jetekshisi, bas mamany, ınspektory, keıin bólim bastyǵy boldy. 2004 jyly Almaty oblysy, Aqsý aýdany ákimniń orynbasary bolyp taǵaıyndaldy. 2008-2012 jyldary Taldyqorǵan qalasy ákiminiń orynbasary boldy. 2012-2015 jyldary Almaty oblysy ákiminiń buıryǵy boıynsha Taldyqorǵan qalasynyń ákimi laýazymyna taǵaıyndaldy. 2015-2017 jyldary QR Prezıdenti ákimshiliginde memlekettik baqylaý jáne uıymdastyrý-aýmaqtyq jumys bóliminiń memlekettik ınspektory, 2017-2019 jyldary QR Prezıdenti ákimshiligi memlekettik baqylaý jáne aýmaqtyq-uıymdastyrý jumystary bólimi meńgerýshisiniń orynbasary qyzmetin atqardy. 2019-2021 jyldary QR Ulttyq ekonomıka vıtse-mınıstri boldy.
2021 jyldyń aqpan aıynan bastap qazirgi qyzmetinde.
42 jyl buryn (1981) Qazaqstan Respýblıkasy Prezıdentiniń quqyqtyq máseleler jónindegi kómekshisi Erjan Nurlanuly JIENBAEV dúnıege keldi.
Almaty qalasynda týǵan. «Turan» ýnıversıtetin zańger mamandyǵy boıynsha bitirgen.
Eńbek joly: 2002–2005 jyldary QR Qarjy mınıstrligi júıesinde eńbek etken. 2005 jyldan bastap QR Premer-Mınıstri Keńsesiniń qurylymynda jumys istedi. QR Premer-Mınıstri Keńsesiniń Zań bólimi meńgerýshisiniń orynbasary qyzmetin atqarǵan. 2012-2013 jyldary QR Premer-Mınıstri Keńsesiniń Zańnama, qorǵanys jáne quqyqtyq tártip bólimi meńgerýshisiniń orynbasary, 2013-2019 jyldary QR Premer-Mınıstri Keńsesiniń Zań bóliminiń meńgerýshisi qyzmetin atqardy. 2019 jyldyń shildesinen qazan aıyna deıin QR Premer-Mınıstri Keńsesi basshysynyń orynbasary boldy.
2023 jyldyń qyrkúıek aıynan bastap qazirgi qyzmetinde.
42 jyl buryn (1981) Qazaqstan Respýblıkasy Qorǵanys mınıstrligi apparatynyń basshysy Erbol QUMARBEKULY dúnıege keldi.
Almaty oblysynda týǵan. 2003 jyly Qazaq gýmanıtarlyq-zań ýnıversıtetin «zańger» mamandyǵy boıynsha, 2006 jyly Ekonomıka jáne quqyq akademııasyn «ekonomıst» mamandyǵy boıynsha, 2008 jyly Abaı atyndaǵy Qazaq ulttyq pedagogıkalyq ýnıversıtetin «saıasattanýshy» mamandyǵy boıynsha támamdaǵan.
Eńbek jolyn 2004 jyly Almaty qalasynda Qarjy polıtsııasy departamenti tergeý bóliminde ınspektor bolyp bastaǵan. Uzaq jyldar boıy Qarjy polıtsııasynda, QR Ekonomıkalyq qylmysqa jáne sybaılas jemqorlyqqa qarsy kúres agenttiginde, QR Qarjy mınıstrligi Memlekettik kirister komıtetinde eńbek etken. 2018-2019 jyldary Shymkent qalalyq Memlekettik kirister departamenti basshysynyń orynbasary bolǵan.
2022 jyldyń sáýir aıynan bastap qazirgi qyzmetinde.
38 jyl buryn (1985) «AMANAT» partııasy Almaty qalalyq fılıalynyń tóraǵasy Stanıslav Vladımırovıch KANKÝROV dúnıege keldi.
Almaty oblysy, Qarasaı aýdany, Qaskeleń týǵan.
M. Lomonosov atyndaǵy Máskeý memlekettik ýnıversıtetin «Ekonomıka» mamandyǵy boıynsha, D. Qonaev atyndaǵy ýnıversıtetti «Quqyqtaný» mamandyǵy boıynsha, Ortalyq Azııa ýnıversıtetin «Kompıýterlik tehnologııalar jáne baǵdarlamalyq qamtamasyz etý» mamandyǵy boıynsha bitirgen.
Eńbek joly: 2005 jyly «Múlikti tehnıkalyq túgendeý» JShS mamany, bas mamany, 2005-2006 jyldary «Múlikti tehnıkalyq túgendeý» JShS dırektory, 2006-2011 jyldary «PSTK Bitelecom» AQ-da, 2010-2011 jyldary «Qazaqstan-2030» QR Prezıdentiniń Baǵdarlamasyn qoldaý» Qoǵamdyq qorynyń vıtse-prezıdenti, 2011-2013 jyldary «Nur Otan» partııasy Bostandyq aýdandyq fılıaly tóraǵasynyń birinshi orynbasary, 2013-2018 jyldary «Nur Otan» partııasy Almaty qalalyq fılıaly tóraǵasynyń orynbasary, 2018 jyly «Nur Otan» partııasy Almaty qalalyq fılıaly tóraǵasynyń birinshi orynbasary qyzmetin atqardy.
2023 jyldyń sáýir aıynan bastap qazirgi qyzmetinde.
«Qurmet» ordenimen, vedomstvolyq jáne mereıtoılyq medaldarmen marapattalǵan.