20 kún es-tússiz jatty: Aqmola oblysynda feldsher jol apatynan kóz jumdy

<p>Aqmola oblysynda jol-kólik oqıǵasyna ushyryp, uzaq ýaqyt es-túzsiz jatqan jedel járdem qyzmetiniń feldsheri es jımaǵan kúıi qaıtys boldy, dep habarlaıdy <a href="Kazinform." target="_blank" rel="noopener">Kazinform.&nbsp;</a></p>

28 jastaǵy dáriger 20 kúnnen astam ýaqyt komada jatqan. 

- Aqmola oblysy Densaýlyq saqtaý basqarmasynyń ujymy Janar Jeńisbekqyzy Bektastyń týystaryna, jaqyndaryna jáne áriptesterine shyn júrekten qaıǵyryp kóńil aıtady. Jol-kólik oqıǵasynan biz Tselınograd podstanıtsııasy Qabanbaı batyr aýyly bólimshesiniń mamany-feldsherden aıyryldyq, - delingen vedomstvonyń jelidegi paraqshasynda.

Aıta ketsek, jol apaty 13 jeltoqsanda boldy. Qabanbaı batyr aýylyna bet alǵan «Gazel» kóligi joldyń qarsy baǵytyna shyǵyp ketip, Astana baǵytynda júrip bara jatqan jedel járdem kóligimen betpe-bet soqtyǵysty. Saldarynan 28 jastaǵy feldsher, 73 jastaǵy naýqas jáne eki kóliktiń júrgizýshileri aýyr dene jaraqattarymen Astana qalasynyń №2 kópsalaly oblystyq aýrýhanasyna jetkizildi. 

Eske salaıyq, Aqmolada bir-birine soǵylǵan 15 kólik apaty tergelip jatyr.