20 mln teńge para alǵan: Aqtaý qalalyq sotynyń tóraǵasyna qatysty tergeý aıaqtaldy

<p>AQTAÝ. KAZINFORM &mdash; Sybaılas jemqorlyqqa qarsy is-qımyl agenttigi Mańǵystaý oblysy Aqtaý qalalyq sotynyń tóraǵasy men jeke sot oryndaýshysyna qatysty tergeýdi aıaqtady.</p>

Derekke qaraǵanda, olar alaıaqtyq jasady jáne sottalýshyny úkim shyǵarǵan kezde jazasyn jeńildetý úshin 20 mln teńge kóleminde para berýge ıtermeledi dep aıyptalýda.

- Aǵymdaǵy jyldyń 5 jeltoqsanynda Bas prokýratýra aıyptalýshylardy sotqa berdi.

Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy, - dep jazylǵan aqparatta.

Aıta keteıik, Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.