20 mln-shy adam: Şýche qalasynda dúnıege kelgen sábı — qyz bala

<p>Aqmola oblysynyń Şýche qalasynda Qazaqstannyń 20 mln-shy turǵyny — qyz bala dúnıege keldi, dep habarlaıdy Kazinform tilshisi.</p>

(«Avıtsenna-Býrabaı» JShS dırektory Evgenıı Bekaevtyń aıtýynsha, 20 mln-shy turǵyn — qyz bala. Qarashanyń 14-inde saǵat 08:10–da dúnıege kelgen.

«Elimizdiń 20 mıllıonynshy azamatyn dúnıege ákelgen Býrabaı aýdany Jasyl aýylynyń turǵyny Dınara Serjanqyzy Karekına, bul osy otbasyndaǵy ekinshi bala. Tuńǵyshtary ul bala, 2 jasta. Jańa týǵan náresteniń salmaǵy 4 kg 100 gramm, boıy 57 sm. Qazirgi kezde, ol ózin jaqsy sezinedi», — dedi «Avıtsenna-Býrabaı» JShS dırektory Evgenıı Bekaev.

Aıta ketsek, budan buryn Memleket basshysy otandastarymyzdy aqjoltaı jańalyqpen quttyqtaǵan edi.

«Halqymyzdyń sany 20 mıllıonǵa jetti! Barshańyzdy aqjoltaı jańalyqpen quttyqtaımyn! Baqytty otbasy — baqýatty eldiń negizi. Memleket otbasy qundylyqtaryn nyǵaıtýǵa, ana men balany qorǵaýǵa basa mán beredi», — dep jazdy Qasym-Jomart Toqaev H paraqshasynda.