20 myń pedagog sý basqan aımaqtarda erikti bolyp júr – mınıstrlik

<p>ASTANA. KAZINFORM &ndash; QR Oqý-aǵartý vıtse-mınıstri Edil Ospan sý tasqyny bolǵan aımaqtarda erikti bolyp júrgen pedagogtar men psıhologtar jumysy týraly aıtyp berdi.</p>

«Pedagogter men bilim salasynyń barlyq qyzmetkerlerine aıryqsha alǵys bildiremiz. Búginde bilim berý salasynyń 20 myń qyzmetkeri tasqynǵa qarsy is-sharalarǵa erikti retinde qatysýda, onyń ishinde 10 myńnan astamy evakýatsııalyq pýnktterde jumys istep jatyr», - dedi Edil Ospan Ortalyq kommýnıkatsııalar qyzmetinde ótken baspasóz máslıhatynda. 

Balalarǵa jáne zardap shekkenderge psıhologııalyq kómek kórsetý maqsatynda jergilikti jerlerde 300-den astam mektep psıhology jumys isteýde. 

Sonymen birge, Bala quqyqtary jónindegi ýákilderdiń belsendi jumysy uıymdastyrylǵan. 

«Zardap shekken eldi mekenderdegi balalar qajetti oqý-quraldarymen, sondaı-aq qashyqtyqtan oqý úshin tehnıkalyq jabdyqtarmen qamtamasyz etildi», - dedi vıtse-mınıstr. 

Aıta keteıik, Oqý-aǵartý mınıstrligi eń kóp zardap shekken aımaqtarda turatyn balalardy saýyqtyrý ortalyqtaryna jiberip jatyr. Alǵashqy lekte Batys Qazaqstan, Qostanaı, Aqmola jáne Aqtóbe oblystarynan 600 bala 11 saýyqtyrý ortalyǵyna qabyldanǵan.