20 qarasha. Tulǵalar týǵan kún

ASTANA. QazAqparat – Búgin, ıaǵnı 20 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

75 jyl buryn (1947-2015) qazaq munaıy salasyna eleýli úles qosqan tulǵa, memleket jáne qoǵam qaıratkeri Nurlan Ótepuly BALǴYMBAEV dúnıege kelgen.

Atyraý qalasynda týǵan. Qazaqstan Respýblıkasynyń 1997-1999 jyldar aralyǵyndaǵy premer-mınıstri. Qazaq polıtehnıka ınstıtýtyn taý-ken ınjeneri mamandyǵy boıynsha bitirgen (1973).

Eńbek jolyn qazirgi Mańǵystaý oblysynyń Quryq kentinde burǵylaýshynyń kómekshisi (1964) bolyp bastaǵan. 1973-1977 jyldary – «Mańǵyshlaqmunaı» birlestiginde jerasty jóndeý operatory, munaı shyǵarý jónindegi operator, skvajınalardy jerasty jóndeý sheberi. 1977-1992 jyldary Atyraý oblysyndaǵy Aqqystaý óndiristik qyzmet kórsetý bazasy bastyǵynyń orynbasary, «Embimunaı», «Aqtóbemunaı» birlestikteriniń bas ınjeneri, KSRO Munaı jáne gaz ónerkásibi mınıstriginiń Bas basqarmalarynda bastyqtyń orynbasary qyzmetterin atqardy. Odan keıin AQSh-tyń Massachýssets ýnıversıtetinde oqyp, munaı óndirisiniń álemdik ozyq tájirıbelerin is júzinde meńgerý úshin «Shevron» kompanııasynda jumys istedi. 1994-1997 jyldary QR Munaı jáne gaz ónerkásibi mınıstri, «Qazaqoıl» ulttyq munaı-gaz kompanııasynyń prezıdenti boldy. 1997-1999 jyldary Qazaqstan Respýblıkasy Premer-Mınıstri qyzmetin atqardy. 1999 jyldan – «Qazaqoıl» ulttyq munaı kompanııasynyń prezıdenti, Qazaqstan úkimetiniń múshesi. 2002 jyldan – «Qazaqstandyq munaı ınvestıtsııalyq kompanııasy» AQ prezıdenti. 2007 jyldan – QR Prezıdentiniń keńesshisi, Qazaqstannyń Kaspıı teńizi resýrstaryn paıdalaný máseleleri jónindegi arnaıy ókili. 2009-2015 jyldary – «QazMunaıGazdyń» salynyp jatqan kásiporyndary dırektsııasynyń» bas dırektory.

Balǵymbaev – elimizdiń munaı jáne gaz ónerkásibin zaman talabyna saı damytyp, qazba baılyqtardy tıimdilikpen ıgerip, halyq ıgiligine jaratý jónindegi iri jobalardy jasaý isine tikeleı aralasyp, uıytqy bolǵan tulǵa.

68 jyl buryn (1954) Qazaqstan Respýblıkasy Bilim jáne ǵylym mınıstrligi Memleket tarıhy ınstıtýtynyń dırektory Búrkitbaı Ǵylmanuly AıAǴAN dúnıege keldi.

Soltústik Qazaqstan oblysynyń Esil aýdanynda týǵan. Abaı atyndaǵy Qazaq pedagogıkalyq ınstıtýtyn bitirgen.

Qazaq pedagogıkalyq ınstıtýty komsomol uıymynyń hatshysy, aǵa oqytýshysy bolǵan. 1990-1996 jyldary – Qazaq KSR Joǵarǵy bilim mınıstrliginde jetekshi ǵylymı qyzmetker, Prezıdent ákimshiligi men Mınıstrler Kabınetiniń baspasóz qyzmetiniń keńesshisi, sektor meńgerýshisi, ishki saıasat bólimi meńgerýshisiniń orynbasary. 1996-1998 jyldary – Qazaq memlekettik zań ýnıversıtetiniń syrtqy baılanystar ortalyǵynyń dırektory. 1998-1999 jyldary – Aqparat jáne qoǵamdyq kelisim mınıstrligi BAQ departamenti dırektorynyń orynbasary. 1999-2003 jyldary Almaty kalalyq aqparat pen qoǵamdyq kelisim basqarmasynyń bastyǵy boldy. 2003-2008 jyldary «Qazaq entsıklopedııasy» baspasynyń dırektory qyzmetterin atqarǵan. 2008 jyldyń qazan aıynan – Qazaqstan Respýblıkasy Bilim jáne ǵylym mınıstrligi Memleket tarıhy ınstıtýtynyń dırektory – Qazaqstan Respýblıkasy tarıhshylary jáne qoǵamtanýshylary lıgasynyń tóraǵasy.

2020 jyldan beri qazirgi qyzmetinde.

Negizgi ǵylymı eńbekteri Qazaqstan Respýblıkasynyń qazirgi zamanǵy (qoǵamnyń áleýmettik qurylymynyń evolıýtsııasy, saıası ózgerister, halyqtyń demografııalyq qurylymyndaǵy ózgerister) tarıhı máselelerin zertteýge arnalǵan. Mektep oqýshylary men joǵary oqý oryndarynyń stýdentterine arnalǵan oqýlyqtardy jazýǵa qatysty.

«Qazaqstan Respýblıkasy táýelsizdiginiń 10 jyldyǵy», «Eren eńbegi úshin» medaldarymen marapattalǵan.

60jyl buryn (1962) Qazaqstan Respýblıkasy Parlamenti Májilisiniń VII shaqyrylymynyń depýtaty, Áleýmettik-mádenı damý komıtetiniń múshesi Zarına Aıdarhanqyzy QAMASOVA dúnıege keldi.

Ýkraınanyń Cherkassk oblysy Ýman qalasynda týǵan. Semeı memlekettik medıtsına ýnıversıtetin 1990 jyly támamdaǵan, dáriger-pedıator, joǵary kategorııaly bilikti dáriger-oftalmolog (úlkender jáne balalar).

Eńbek joly: 1990-1991 jyldary – Semeı qalasy oblystyq oftalmologııalyq aýrýhanasynda dáriger-ıntern; 1991-1991 jyldary – Semeı qalasy oblystyq oftalmologııalyq aýrýhanasynda dáriger-oftalmolog; 1994-1996 jyldary – Semeı memlekettik medıtsına ınstıtýtynda kóz aýrýlary kafedrasynyń assıstenti; 1996-1997 jyldary – Shyǵys Qazaqstan oblystyq balalar aýrýhanasynda dáriger-oftalmolog; 1997-1998 jyldary – Óskemen qalasy ShJQ KMK «Ana men bala ortalyǵy», kóz mıkrohırýrgııa bóliminiń meńgerýshisi; 1997-2013 jyldary – ShQO shtattan tys bas oftalmologi; 2013-2014 jyldary – Óskemen qalasyndaǵy «Kóz mıkrohırýrgııa klınıkasy» JShS-nyń bas dárigeri; 2014-2020 jyldary – Óskemen qalasyndaǵy «Kóz mıkrohırýrgııa klınıkasy» JShS-nyń dırektory.

2021 jyldyń qańtarynan bastap qazirgi qyzmetinde.

2018 jyly «Astana 20 jyl», 2019 jyly «Shyǵys Qazaqstan máslıhattaryna 25 jyl» medaldarymen, 2016 jyly «Densaýlyqsaqtaý úzdigi», 2017 jyly «Úzdik depýtat», 2020 jyly «Óskemen qalasynyń damýyna qosqan úlesi úshin» tósbelgilerimen, 2011 jyly «QR-nyń úzdik balalar oftalmologııalyq qyzmeti» QR Densaýlyq saqtaý mınıstrliginiń maqtaý qaǵazymen, 2003 jáne 2017 jyldary oblys ákiminiń, 2018 jyly Óskemen qalasy ákiminiń maqtaý qaǵazdarymen, QR-nyń Tuńǵysh Prezıdenti N.Á. Nazarbaev pen QR Prezıdenti Q.J. Toqaevtyń alǵys hattarymen marapattalǵan.

60jyl buryn (1962) QR Іshki ister mınıstriniń orynbasary Igor Vladımırovıch LEPEHA dúnıege keldi.

Qaraǵandy oblysynda týǵan. Qaraǵandy polıtehnıkalyq ınstıtýtyn, RF ІІM akademııasyn bitirgen. 1986-1987 jyldary – Qaraǵandy oblysynyń Temirtaý qalasy ishki ister basqarmasy saıası bóliminiń aǵa nusqaýshysy. 1987-1988 jyldary – Qaraǵandy oblysy Gagarın aýdany ishki ister bólimi bastyǵynyń saıası bólim boıynsha orynbasary. 1988-1990 jyldary – Qaraǵandy oblysy Abaı qalasy ishki ister bólimi bastyǵynyń saıası bólim boıynsha orynbasary. 1990-1993 jyldary – RF ІІM akademııasynyń tyńdaýshysy. 1993-1997 jyldary – Qaraǵandy oblysy qalalyq ishki ister basqarmasynyń torýyl polıtsııasy basqarmasynyń bastyǵy. 1998-2005 jyldary – Qaraǵandy oblysy qalalyq ishki ister basqarmasynyń ákimshilik polıtsııa qyzmetiniń bastyǵy, qoǵamdyq qaýipsizdik basqarmasynyń bastyǵy. 2005-2009 jyldary – Qaraǵandy oblysy ІІD bastyǵynyń orynbasary. 2009-2011 jyldary – QR ІІM Ákimshilik polıtsııasy komıteti tóraǵasynyń orynbasary. 2011-2018 jyldary – QR Іshki ister mınıstrliginiń Ákimshilik polıtsııa komıtetiniń tóraǵasy. 2019-2020 jyldary – Qazaqstan Respýblıkasy Іshki ister mınıstrligi Shtab-departamentiniń bastyǵy. 2020-2022 jj. QR ІІM apparat jetekshisi.

Qazirgi qyzmetinde – 2022 jyldyń qazanynan beri.

39 jyl buryn (1983) Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrligi Memlekettik kórsetiletin qyzmetter komıtetiniń tóraǵasy Dáýlet Nysanqululy BEKMANOV dúnıege keldi.

Ózbekstannyń Dýstlık qalasynda týǵan. 2004 jyly «Mıras» ýnıversıtetin ınformatıka mamandyǵy boıynsha, 2010 jyly M.A. Áýezov atyndaǵy Ońtústik Qazaqstan memlekettik ýnıversıtetin memlekettik jáne jergilikti basqarý mamandyǵy boıynsha támamdaǵan.

Eńbek jolyn 2005 jyly aqparattyq tehnologııalar salasynda jeke jáne memlekettik qurylymdarda bastaǵan. 2007 jyldan bastap 2009 jylǵa deıingi kezeńde «Ulttyq aqparattyq tehnologııalar» AQ AT-konsaltıng tobynyń taldaýshysy bolǵan. 2009-2011 jyldar aralyǵynda «Densaýlyq saqtaýdyń ınvestıtsııalyq jobalaryn basqarý ortalyǵy» JShS-nyń jetekshi mamany bolyp jumys istegen. 2011 jyly «Ulttyq aqparattyq tehnologııalar» AQ bas analıtıgi, QR BAM Memlekettik qyzmetterdi avtomattandyrýdy baqylaý jáne HQKO qyzmetin úılestirý komıteti Memlekettik qyzmetterdi avtomattandyrý basqarmasynyń basshysy qyzmetin atqarǵan. 2012-2013 jyldary QR Kólik jáne kommýnıkatsııalar mınıstrliginiń Qyzmetterdi avtomattandyrýdy baqylaý jáne HQKO qyzmetin úılestirý komıtetinde túrli laýazymda qyzmet etken. 2014 jyldan bastap 2017 jylǵa deıin Qazaqstan Respýblıkasy Baılanys jáne aqparat agenttiginiń Elektrondyq qyzmetterdi jáne HQKO damytý departamenti dırektorynyń orynbasary, Qazaqstan Respýblıkasy Investıtsııalar jáne damý mınıstrligine qarasty Baılanys, aqparattandyrý jáne aqparat komıteti Elektrondyq qyzmetterdi baqylaý basqarmasynyń basshysy bolǵan. 2017-2018 jyldary Qazaqstan Respýblıkasy Aqparat jáne kommýnıkatsııalar mınıstrliginde Memlekettik qyzmetterdi damytý departamenti dırektorynyń orynbasary jáne Aqparattandyrý departamentiniń dırektory laýazymdaryn atqarǵan. 2018 jylǵy qyrkúıekten bastap 2020 jylǵy aqpanǵa deıin «Ulttyq aqparattyq tehnologııalar» AQ Basqarma tóraǵasynyń orynbasary qyzmetin atqarǵan.

2020 jyldyń aqpanynan bastap qazirgi qyzmetinde.