20 qarasha. Tulǵalar týǵan kún
68 jyl buryn (1954) tarıh ǵylymdarynyń doktory, Astana onomastıkalyq komıssııasynyń múshesi Búrkitbaı Ǵylmanuly AıAǴAN dúnıege keldi.
Soltústik Qazaqstan oblysynyń Esil aýdanynda týǵan. Abaı atyndaǵy Qazaq pedagogıkalyq ınstıtýtyn bitirgen.
Qazaq pedagogıkalyq ınstıtýty komsomol uıymynyń hatshysy, aǵa oqytýshysy bolǵan. 1990-1996 jyldary — Qazaq KSR Joǵarǵy bilim mınıstrliginde jetekshi ǵylymı qyzmetker, Prezıdent ákimshiligi men Mınıstrler Kabınetiniń baspasóz qyzmetiniń keńesshisi, sektor meńgerýshisi, ishki saıasat bólimi meńgerýshisiniń orynbasary. 1996-1998 jyldary — Qazaq memlekettik zań ýnıversıtetiniń syrtqy baılanystar ortalyǵynyń dırektory. 1998-1999 jyldary — Aqparat jáne qoǵamdyq kelisim mınıstrligi BAQ departamenti dırektorynyń orynbasary. 1999-2003 jyldary Almaty kalalyq aqparat pen qoǵamdyq kelisim basqarmasynyń bastyǵy boldy. 2003-2008 jyldary «Qazaq entsıklopedııasy» baspasynyń dırektory qyzmetterin atqarǵan. 2008-2020 jyldary QR Bilim jáne ǵylym mınıstrligi Memleket tarıhy ınstıtýtynyń dırektory — QR tarıhshylary jáne qoǵamtanýshylary lıgasynyń tóraǵasy.
Negizgi ǵylymı eńbekter QR qazirgi zamanǵy (qoǵamnyń áleýmettik qurylymynyń evolıýtsııasy, saıası ózgerister, halyqtyń demografııalyq qurylymyndaǵy ózgerister) tarıhı máselelerin zertteýge arnalǵan. Mektep oqýshylary men joǵary oqý oryndarynyń stýdentterine arnalǵan oqýlyqtardy jazýǵa qatysty.
«Qazaqstan Respýblıkasy Táýelsizdiginiń 10 jyldyǵy», «Eren eńbegi úshin» medaldarymen marapattalǵan.
61 jyl buryn (1962) Qazaqstan Respýblıkasy Parlamenti Májilisiniń VII shaqyrylymynyń depýtaty Zarına Aıdarhanqyzy QAMASOVA dúnıege keldi.
Ýkraınanyń Cherkassk oblysy Ýman qalasynda týǵan. Semeı memlekettik medıtsına ýnıversıtetin 1990 jyly támamdaǵan, dáriger-pedıator, joǵary kategorııaly bilikti dáriger-oftalmolog (úlkender jáne balalar).
Eńbek joly: 1990-1991 jyldary — Semeı qalasy oblystyq oftalmologııalyq aýrýhanasynda dáriger-ıntern; 1991-1991 jyldary — Semeı qalasy oblystyq oftalmologııalyq aýrýhanasynda dáriger-oftalmolog; 1994-1996 jyldary — Semeı memlekettik medıtsına ınstıtýtynda kóz aýrýlary kafedrasynyń assıstenti; 1996-1997 jyldary — Shyǵys Qazaqstan oblystyq balalar aýrýhanasynda dáriger-oftalmolog; 1997-1998 jyldary — Óskemen qalasy ShJQ KMK «Ana men bala ortalyǵy», kóz mıkrohırýrgııa bóliminiń meńgerýshisi; 1997-2013 jyldary — ShQO shtattan tys bas oftalmologi; 2013-2014 jyldary — Óskemen qalasyndaǵy «Kóz mıkrohırýrgııa klınıkasy» JShS-nyń bas dárigeri; 2014-2020 jyldary — Óskemen qalasyndaǵy «Kóz mıkrohırýrgııa klınıkasy» JShS-nyń dırektory. 2021-2023 jyldary — QR Parlamenti Májilisiniń VII shaqyrylymynyń depýtaty, Áleýmettik-mádenı damý komıtetiniń múshesi.
2018 jyly «Astana 20 jyl», 2019 jyly «Shyǵys Qazaqstan máslıhattaryna 25 jyl» medaldarymen, 2016 jyly «Densaýlyqsaqtaý úzdigi», 2017 jyly «Úzdik depýtat», 2020 jyly «Óskemen qalasynyń damýyna qosqan úlesi úshin» tósbelgilerimen, 2011 jyly «QR-nyń úzdik balalar oftalmologııalyq qyzmeti» QR Densaýlyq saqtaý mınıstrliginiń maqtaý qaǵazymen, 2003 jáne 2017 jyldary oblys ákiminiń, 2018 jyly Óskemen qalasy ákiminiń maqtaý qaǵazdarymen, QR-nyń Tuńǵysh Prezıdenti N.Á. Nazarbaev pen QR Prezıdenti Q.J.Toqaevtyń alǵys hattarymen marapattalǵan.
61 jyl buryn (1962) QR Іshki ister mınıstriniń orynbasary Igor Vladımırovıch LEPEHA dúnıege keldi.
Qaraǵandy oblysynda týǵan. Qaraǵandy polıtehnıkalyq ınstıtýtyn, RF ІІM akademııasyn bitirgen. 1986-1987 jyldary — Qaraǵandy oblysynyń Temirtaý qalasy ishki ister basqarmasy saıası bóliminiń aǵa nusqaýshysy. 1987-1988 jyldary — Qaraǵandy oblysy Gagarın aýdany ishki ister bólimi bastyǵynyń saıası bólim boıynsha orynbasary. 1988-1990 jyldary — Qaraǵandy oblysy Abaı qalasy ishki ister bólimi bastyǵynyń saıası bólim boıynsha orynbasary. 1990-1993 jyldary — RF ІІM akademııasynyń tyńdaýshysy. 1993-1997 jyldary — Qaraǵandy oblysy qalalyq ishki ister basqarmasynyń torýyl polıtsııasy basqarmasynyń bastyǵy. 1998-2005 jyldary — Qaraǵandy oblysy qalalyq ishki ister basqarmasynyń ákimshilik polıtsııa qyzmetiniń bastyǵy, qoǵamdyq qaýipsizdik basqarmasynyń bastyǵy. 2005-2009 jyldary — Qaraǵandy oblysy ІІD bastyǵynyń orynbasary. 2009-2011 jyldary — QR ІІM Ákimshilik polıtsııasy komıteti tóraǵasynyń orynbasary. 2011-2018 jyldary — QR Іshki ister mınıstrliginiń Ákimshilik polıtsııa komıtetiniń tóraǵasy. 2019-2020 jyldary — Qazaqstan Respýblıkasy Іshki ister mınıstrligi Shtab-departamentiniń bastyǵy. 2020-2022 jj. QR ІІM apparat jetekshisi.
Qazirgi qyzmetinde — 2022 jyldyń qazanynan beri.
58 jyl buryn (1965) Qazaqstan Respýblıkasy Parlament Májilisiniń depýtaty Qaırat Rahymuly BALABIEV dúnıege keldi.
Túrkistan oblysynda týǵan.
Eńbek joly: 1990-1991 jyldary Shymkent qalasy Dzerjınskıı aýdanynyń prokýratýrasynda taǵylymger; 1991-1994 jyldary Eńbekshi aýdany prokýrorynyń kómekshisi, Shymkent qalasy Abaı aýdany prokýrorynyń aǵa kómekshisi; 1994-1996 jyldary OQO prokýratýrasynyń Jedel izdestirý jáne anyqtaý zańdylyǵyn qadaǵalaý bóliminiń prokýrory, Shymkent qalasy Abaı aýdany prokýrorynyń orynbasary; 1996-2000 jyldary OQO Kırov aýdany prokýrorynyń orynbasary; 1997-2000 jyldary OQO Maqtaral aýdanynyń prokýrory; 2000-2001 jyldary prokýratýranyń áleýmettik-ekonomıkalyq saladaǵy prokýrory, Ońtústik Qazaqstan oblysy Ádilet departamenti bastyǵynyń orynbasary; 2001-2003 jyldary Shymkent qalasyndaǵy Qazaq memlekettik zań akademııasy Ońtústik Qazaqstan zań ınstıtýtynyń, Qazaq memlekettik zań akademııasynyń Quqyq, qarjy jáne qarjy quqyǵy ınstıtýtynyń rektory; 2003-2005 jyldary OQO Shymkent qalasynyń prokýrory; 2005-2006 jyldary OQO oblysy prokýrorynyń orynbasary: 2006-2007 jyldary Jambyl prokýrorynyń orynbasary; 2007-2008 jyldary Qazaq gýmanıtarlyq zań ýnıversıtetinde qoǵamdyq-saıası zertteýler ǵylymı-zertteý ınstıtýtynyń dırektory; 2007-2010 jyldary Qazaq gýmanıtarlyq zań ýnıversıteti Qashyqtan bilim berý ortalyǵynyń dırektory; 2010 jyly QR ekonomıkalyq qylmysqa jáne sybaılas jemqorlyqqa qarsy kúres agenttigi Tergeý departamentinde ekonomıkalyq jáne qarjylyq qylmystardy tergeý basqarmasynyń bastyǵy; 2010-2011 jyldary Qazaq gýmanıtarlyq zań ýnıversıteti Áleýmettik-saıası zertteý júrgizý Ǵylymı-zertteý ınstıtýtynyń dırektory; 2011 jyly Qazaqstan ınjenerlik-pedagogıkalyq Halyqtar dostyǵy ýnıversıtetinde «quqyqtaný» kafedrasynyń professory; 2016 jyly Ońtústik Qazaqstan oblystyq máslıhatynyń depýtaty; 2016 jyly Ońtústik Qazaqstan oblystyq máslıhatynyń hatshysy, VI saılanǵan Túrkistan oblystyq máslıhatynyń hatshysy; 2023 jyldan bastap — VIII saılanǵan QR Parlamenti Májilisiniń depýtaty.
43 jyl buryn (1980) qazaqstandyq ánshi, Qazaqstan Respýblıkasynyń eńbek sińirgen qaıratkeri, mýzykant Dilnaz Muratqyzy AHMADIEVA dúnıege keldi.
Almaty qalasynda týǵan. 2002 jyly Qazaq memlekettik halyqaralyq tilder ýnıversıtetin támamdaǵan, mamandyǵy — aýdarmashy-referent.
1997 jyldan Memlekettik respýblıkalyq Uıǵyr teatrynyń solısti jáne vokalısti boldy. 2002 jyly Latvııanyń ıÝrmala qalasynda ótken halyqaralyq «Novaıa volna» án baıqaýynda Qazaqstannyń atynan óner kórsetti. 2004 jyly ol Gollıvýdta (Kalıfornııa) akterlik sheberlik sabaqtaryn aldy.
2012 jyly «Qazaqstan Respýblıkasynyń eńbek sińirgen qaıratkeri» ataǵyn aldy.
76 jyl buryn (1947-2015) qazaq munaıy salasyna eleýli úles qosqan tulǵa, memleket jáne qoǵam qaıratkeri Nurlan Ótepuly BALǴYMBAEV dúnıege kelgen.
Atyraý qalasynda týǵan. 1973 jyly Qazaq polıtehnıka ınstıtýtyn taý-ken ınjeneri mamandyǵy boıynsha bitirgen.
Eńbek jolyn qazirgi Mańǵystaý oblysynyń Quryq kentinde burǵylaýshynyń kómekshisi (1964) bolyp bastaǵan. 1973-1977 jyldary — «Mańǵyshlaqmunaı» birlestiginde jerasty jóndeý operatory, munaı shyǵarý jónindegi operator, skvajınalardy jerasty jóndeý sheberi. 1977-1992 jyldary Atyraý oblysyndaǵy Aqqystaý óndiristik qyzmet kórsetý bazasy bastyǵynyń orynbasary, «Embimunaı», «Aqtóbemunaı» birlestikteriniń bas ınjeneri, KSRO Munaı jáne gaz ónerkásibi mınıstriginiń Bas basqarmalarynda bastyqtyń orynbasary qyzmetterin atqardy. Odan keıin AQSh-tyń Massachýssets ýnıversıtetinde oqyp, munaı óndirisiniń álemdik ozyq tájirıbelerin is júzinde meńgerý úshin «Shevron» kompanııasynda jumys istedi. 1994-1997 jyldary QR Munaı jáne gaz ónerkásibi mınıstri, «Qazaqoıl» ulttyq munaı-gaz kompanııasynyń prezıdenti boldy. 1997-1999 jyldary QR Premer-Mınıstri qyzmetin atqardy. 1999 jyldan — «Qazaqoıl» ulttyq munaı kompanııasynyń prezıdenti, Qazaqstan úkimetiniń múshesi. 2002 jyldan — «Qazaqstandyq munaı ınvestıtsııalyq kompanııasy» AQ prezıdenti. 2007 jyldan — QR Prezıdentiniń keńesshisi, Qazaqstannyń Kaspıı teńizi resýrstaryn paıdalaný máseleleri jónindegi arnaıy ókili. 2009-2015 jyldary — «QazMunaıGazdyń» salynyp jatqan kásiporyndary dırektsııasynyń» bas dırektory.
Balǵymbaev — elimizdiń munaı jáne gaz ónerkásibin zaman talabyna saı damytyp, qazba baılyqtardy tıimdilikpen ıgerip, halyq ıgiligine jaratý jónindegi iri jobalardy jasaý isine tikeleı aralasyp, uıytqy bolǵan tulǵa.