20 qańtar. Tulǵalar týǵan kún
ESІMDER
65 jyl buryn (1959) general-maıor, zań ǵylymdarynyń doktory Qozy-Kórpesh Japarhanuly KÁRBOZOV dúnıege keldi.
Jambyl oblysy, Shý qalasynda týǵan. S. Kırov atyndaǵy Qazaq memlekettik ýnıversıtetiniń zań fakýltetin (1981) zańger-quqyqtanýshy mamandyǵy boıynsha; KSRO Prokýratýra ınstıtýtynyń Harkov fılıalyn (1985); Máskeý KSRO prokýratýrasy basshy kadrlarynyń biliktiligin jetildirý ınstıtýtyn (1989); ál-Farabı atyndaǵy Qazaq memlekettik ýnıversıtetin «Qarjy jáne nesıe» mamandyǵy boıynsha bitirgen (2003).
Eńbek joly: 1981-1982 jyldary Jambyl oblysy, Shý aýdany Atqarýshy komıtetiniń jaýapty hatshysy, 1982-1988 jyldary Moıynqum aýdany prokýrorynyń kómekshisi, 1986-1988 jyldary Jambyl oblysy prokýratýrasy Tergeý basqarmasynyń prokýrory, 1988-1989 jyldary QR prokýratýrasy Tergeý basqarmasynyń prokýrory, 1989-1994 jyldary Qyzylorda oblystyq prokýratýra tergeý bóliminiń bastyǵy, oblys prokýrorynyń orynbasary bolyp qyzmet atqarǵan. 1994 jyly QR Bas Prokýratýrasy sot aktileriniń zańdylyǵyn qadaǵalaý jónindegi basqarma bastyǵy,1994-1995 jyldary QR Bas Prokýratýrasy janyndaǵy memlekettik bıliktiń joǵary eshelondarynda sybaılas jemqorlyqqa qarsy kúres jónindegi arnaıy prokýror, 1995-1997 jyldary Іshki ister mınıstrligi organdarynda, Memlekettik tergeý komıteti men anyqtaýdyń jedel qyzmetterin qadaǵalaý jónindegi basqarma, salyq qyzmeti, Qarjy mınıstrligi jáne Qazaqstan Respýblıkasy Keden komıteti, Almaty qalasy boıynsha Memlekettik tergeý komıteti Bas basqarmasynyń bastyǵy, 1997-1998 jyldary Almaty qalasy boıynsha Memlekettik tergeý komıteti Departamentiniń bastyǵy, 1998-2000 jyldary QR Ulttyq qaýipsizdik komıtetiniń Sybaılas jemqorlyqqa jáne uıymdasqan qylmysqa qarsy kúres departamentiniń bastyǵy laýazymyn atqarǵan. 2000-2003 jyldary QR Ulttyq qaýipsizdik komıtetiniń Tergeý departamentiniń bastyǵy, 2003-2007 jyldary QR Ulttyq qaýipsizdik komıteti Tóraǵasynyń orynbasary, 2003-2007 jyldary QR Qarjy mınıstriniń orynbasary – Kedendik baqylaý komıtetiniń tóraǵasy, 2007-2011 jyldary QR Qarjy mınıstrligi Shekaralyq baqylaý komıtetiniń vıtse-mınıstr-tóraǵasy qyzmetin atqarǵan. 2013 jyldan beri QR Qorǵanys mınıstrligi janyndaǵy Áskerı-strategııalyq zertteý ortalyǵynyń prezıdenti. «KMG-Security» JShS bas dırektory (Basqarma tóraǵasy).
I jáne II dárejeli «Dańq» ordenderimen (2004,2009), medaldarmen marapattalǵan.
61 jyl buryn (1963) Qazaqstan Respýblıkasy Joǵarǵy sotynyń sýdıasy Asqarjan Qapezuly KENJEǴARIN dúnıege kelgen.
Joǵary zańgerlik bilimi bar.
Eńbek jolyn zańger mamandyǵy boıynsha 1989 jyly Shubartaý aýdandyq notarıattyq keńsesiniń notarıýsy laýazymynan bastaǵan. 1992-1996 jyldary Semeı oblysy Aıagóz halyq sotynyń atqarýshylyq jáne ákimshilik ister jónindegi sýdıasy, 1996-1998 jyldary Shyǵys Qazaqstan oblysy Shubartaý aýdandyq sotynyń tóraǵasy, 1998-2015 jyldary ShQO sotynyń sýdıasy bolyp qyzmet atqarǵan. 2015-2017 jyldary Astana qalasy soty qylmystyq ister jónindegi sot alqasynyń tóraǵasy boldy.
2017 jyldan bastap qazirgi qyzmetinde.
40 jyl buryn (1984) Aqtóbe oblystyq máslıhatynyń depýtaty, «Qazhrom» transulttyq kompanııasy» AQ prezıdenti Sergeı Leonıdovıch PROKOPЬEV dúnıege keldi.
Jambyl oblysynda týǵan. 2006 jyly Innovatsııalyq Eýrazııalyq ýnıversıtetin «Qara jáne tústi metaldar» mamandyǵy boıynsha támamdady, Halyq sharýashylyǵy jáne memlekettik qyzmet Reseı akademııasynda MVA biliktiligi boıynsha bilimin arttyrdy (2012 jyl). EÚ bıznes akademııasynda bilim alǵan.
Eńbek jolyn Aqsý ferroqorytpa zaýyty №1 balqytý tsehynyń kórikshisi bolyp bastaǵan. Keıin aǵa sheber bolyp jumys istedi, №1 balqytý tsehyn basqardy, óndiristik-tehnıkalyq basqarmaǵa jetekshilik etti, al 2014 jyly Aqsý ferroqorytpa zaýytynyń óndirisi jónindegi tehnıkalyq dırektorynyń orynbasary, 2014-2021 jyldary Aqsý ferroqorytpa zaýytynyń dırektory bolyp qyzmet etti. 2021-2022 jyldary «Qazhrom» TUK» AQ óndiris jónindegi vıtse-prezıdenti laýazymyn atqardy.
Qazirgi qyzmetin 2022 jyldyń qyrkúıeginen beri atqaryp keledi.
«Qazaqstan Konstıtýtsııasyna 20 jyl» mereıtoılyq medalimen marapattalǵan (2015).
39 jyl buryn (1985) Qurmanǵazy atyndaǵy Qazaq ulttyq konservatorııanyń rektory Nurken Nurǵalıuly ÁShІROV dúnıege keldi.
Jambyl oblysy, Jambyl aýdany, Pıoner aýylynda dúnıege kelgen.
2002 jyly A. Jubanov atyndaǵy RQMMMI, 2006 jyly Qurmanǵazy atyndaǵy Qazaq ulttyq konservatorııasyn «dombyra, orkestr ártisi, oqytýshy» mamandyǵy boıynsha professor A. Toqtaǵannyń synybynan bitirgen.
2013 jyly atalǵan oqý ornynyń magıstratýrasyn «dırıjer» mamandyǵy boıynsha Qazaqstannyń eńbek sińirgen qaıratkeri N.Jarasovtyń synybynan bitirgen. Ónertaný magıstri.
Eńbek joly: 2003 jyly N.Tilendıev atyndaǵy (burynǵy «Otyrar sazy» orkestri) AFEO ártisi, 2004-2010 jyldary orkestrdiń Bas kontsertmeısteri boldy. 2007 jyly «Álqıssa» atty tuńǵysh kúıtabaǵy jaryqqa shyqty. 2008 jyldan beri M.Besbaevtyń «Tartý» tobynyn múshesi boldy. 2008-2012 jyldary A.Jubanov atyndaǵy daryndy balalarǵa arnalǵan RQMMMI ustazy, 2012-2018 jyldary «Halyq aspaptary» bóliminiń meńgerýshisi boldy.
2014 jyldan bastap ózi kurǵan «Talas» etno-pop orkestriniń Kórkemdik jetekshisi jáne Bas dırıjery.
N.Áshirov – kóptegen bedeldi konkýrstardyn laýreaty.
Qazirgi qyzmetin 2023 jyldan beri atqaryp keledi.
24 jyl buryn (2000) ártis, ánshi Mıras JÚGІNІSOV dúnıege keldi.
Oral qalasynda dúnıege kelgen.
Týǵan aǵalarymen birge «Aǵaıyndy Júginisovter» trıosy retinde óner kórsetti. Rústem, Muhammedálı jáne Mıras – halyqaralyq baıqaýlardyń júldegerleri ári jeńimpazdary. Mıras Grýzııadaǵy «Jibek jolynyń juldyzdary-2018» festıvaline qatysqan.
2021 jyldyń 13 qarashasynda «Shyda» ánine beınebaıan shyqty. Sol ýaqyttan bastap ol kópshiliktiń súıikti ánshisine aınaldy. 2022 jyldyń 15 aqpanynda Mırastyń dýet bolyp shyrqaǵan «Roman» áni jaryqqa shyqty.
Mırastyń sondaı-aq kópshilikke tanymal «Zymyran» (2021); «Sen týraly» (2021); «Kyzǵanamyn» (2021); «Oılaı berem» (2022); «Mama» (2022) ánderi bar.