20 gradýs aıaz, boran, qalyń qar: Aldaǵy úsh kún qubylmaly aýa raıy saqtalady

<p>ASTANA. KAZINFORM — Qazgıdromet sınoptıkteri 8-10 aqpan aralyǵyna arnalǵan úsh kúndik aýa raıy boljamyn jarııalady. </p>

Aldaǵy kúnderi Qazaqstan kezekti Atlantıka tsıklony ákeletin atmosferalyq fronttardyń áserin sezedi. 

Bultty jáne jelkem aýa raıy ornaıdy. 

Elimizdiń soltústiginde jeldiń ekpini — 23-28, keı ýaqytta 30 m/s deıin kúsheıedi.

Jańbyr men qar jaýady.

Soltústik aımaqtarda qalyń qar jaýyp, burqasyn soǵady. 

Sonymen qatar tsıklon aýa temperatýrasyna qysqa merzimdi jylyný ákeledi. Ol az ýaqytta aıazǵa almasyp, kún kúrt sýytady. 

Elimizdiń batysy men soltústik-batysynda 10 aqpanǵa qaraı aýa temperatýrasy túnde 12-20 gradýs aıazǵa deıin tómendeıdi.

Respýblıkanyń qalǵan aýmaǵynda temperatýralyq fonda kúrt ózgerister bolmaıdy.