20-ǵa jýyq aqtóbelik azamat «Innovatsııalyq forým» teleshoýyna qatysýǵa ótinim berdi

AQTÓBE. 27 tamyz. QazAqparat - Aqtóbe qalasynda «Innovatsııalyq forsaj» teleshoýynyń arnaıy avtobýsy boldy. Aqtóbeliktermen kezdesý «Nur Otan» HDP-nyń ǵımaratynda ótti.

Belgili bolǵandaı, avtobýs baıqaýǵa qatysý talaptaryn túsindirý jáne baıqaýdy nasıhattaý  maqsatynda Qazaqstan qalalaryn aralap júr. Innovatsııalyq bıznes-josparlardyń respýblıkalyq baıqaýy QR Indýstrııa jáne jańa tehnologııalar mınıstrligi men «Tehnologııalyq damytý boıynsha ulttyq agenttigi» AQ-nyń turǵyndardyń ınnovatsııalyq belsendiligin arttyrý sharasynyń aıasynda ótýde. Baıqaýdy «Innovatsııalyq forsaj» ataýymen realıtı-shoý túrindegi televızııalyq nusqada ótkizý josparlanýda.

Shoý respýblıkadaǵy reıtıngisi joǵary arnalardyń birinen kórsetiledi. Baıqaý jeńimpazy 7,5 mln. teńge kólemindegi grant ıegeri atanady.

Uıymdastyrýshylardyń aıtýynsha, ınnovatsııalyq bıznes-josparlardyń respýblıkalyq baıqaýy jas ǵalymdardyń, talantty ónertapqyshtardyń, bolashaq bıznesmenderdiń órshil talaptaryn synaý alańyna aınalady.

Shoýdyń bas keıipkeri - biregeı ınnovatsııalyq ıdeıanyń avtory. Uıymdastyrýshylardyń barlyq kúshteri onyń óz jobasyn iske asyrýyna baǵyttalady. Bul maqsattarda jobanyń búkil ýaqytynda qatysýshylarǵa úzdik mamandar, keńesshiler jáne kásibı bıznes-jattyqtyrýshylar kómektesedi. Baıqaýdyń barlyq qatysýshylary ınnovatsııalyq kásipkerliktiń qupııalaryn ashatyn mamandandyrylǵan trenıngterden ótedi. Baıqaýǵa 20-ǵa jýyq aqtóbelik azamat qatysý nıetin bildirdi.