20-dan astam sheteldik Astanada taksı qyzmetinde zańsyz jumys istegen

ASTANA. QazAqparat – Búgin BAQ ókilderiniń qatysýymen ótken brıfıngide Astana qalalyq Ákimshilik polıtsııa basqarmasynyń bólim basshysy Baýyrjan Toǵjumanov elordada zańsyz taksı qyzmetin kórsetken 20-dan astam sheteldik anyqtalǵanyn aıtty, dep habarlaıdy QazAqparat tilshisi.

«Jyl basynan Astana qalasynyń aýmaǵynda zańsyz taksı qyzmetin kórsetken sheteldikter anyqtaldy. Olar QR Ákimshilik quqyq buzýshylyq kodeksiniń 431-baby boıynsha jaýapkershilikke tartylýda. Osy jyl bastalǵannan beri qazirgi ýaqytqa deıin shamamen 20-dan astam júrgizýshi anyqtaldy. Olar Ózbekstan, Ázerbaıjan jáne taǵy basqa shet elderdiń azamattary. Búginde sheteldikter sot sheshimimen jaýapqa tartylyp jatyr», - dep jaýap berdi Baýyrjan Toǵjumanov tilshi saýalyna oraı.