2 jylda Jambyl oblysy turǵyndarynyń 95 paıyzy gazben qamtylady - B.Saparbaev
«Qazirgi tańda óńir halqyn gazben qamtamasyz etý jaman emes. Búgingi esep boıynsha oblys turǵyndaryn gazben qamtamasyz etý 88,6 paıyzdy quraıdy. Tek osy jyldyń ózinde 14 mln teńge bólinip, sonyń arqasynda 45 eldi meken gazben qamtamasyz etildi. Qordaı aýdanynda 2 joba iske asyrylyp jatyr. Onyń biri Masanshy, Qarakemer, Aýqat syndy 10 eldi mekendi, ekinshisi Otar, Kenen syndy 12 aýyldy qamtıdy. Osy jobanyń arqasynda Qordaı aýdanynda halyqty gazben qamtý 95 paıyz bolady», - dedi oblys basshysy.
Sonymen qatar ol elimizdiń Energetıka mınıstrligine óńir turǵyndaryn kógildir otynmen qamtýǵa baǵyttalǵan jobalar pysyqtaýǵa berilgendigin aıtty.
«Jalpy turǵyndardy gazben qamtamasyz etý baqylaýymyzda tur. Úkimet qoldaýymen aldaǵy 2 jyldyń ishinde óńirdegi turǵyndardyń 95 paıyzyn kógildir otymen qamtamasyz etýdi maqsat etip otyrmyz», - dedi Berdibek Saparbaev.