2 tamyz. QazAqparat kúntizbesi
ESTE QALAR OQIǴALAR
2016 jyly Astanada belgili sportshy, eń kóp tıtýlǵa ıe polıtsııa polkovnıgi, ІІM qurama komandasynyń kapıtany Serik Nurǵalıevke «Qazaqstanda polıtseı baýyrmaldyǵy ıdeıasyn ilgeriletkeni úshin» medali tabystaldy.
Zapastaǵy polıtsııa polkovnıgi Serik Nurǵalıev Qazaqstannyń eńbek sińirgen sport sheberi, álemniń on márte chempıony jáne rekordshysy, quqyq qorǵaý organdary arasyndaǵy Eýropa chempıony, quqyq qorǵaý organdary arasyndaǵy álemdik birinshilikterdiń 31 altyn, 5 kúmis jáne 3 qola medaldarynyń ıegeri.
2016 jyly Birikken Ulttar Uıymy esebiniń málimetterine sáıkes Qazaqstan elektrondyq úkimetti damytý boıynsha Azııa elderi arasynda 7-orynǵa ıe boldy. Bul rette BUU jahandyq reıtınginde TMD-daǵy barlyq elderden ozyp, Qazaqstan 33-shi satyǵa ornalasty.
BUU elektrondyq úkimetti damytý ındeksi – azamattarǵa memlekettik qyzmet kórsetý úshin aqparattyq-kommýnıkatsııalyq tehnologııalardy paıdalaný múmkindigin jáne ázirligin baǵalaıtyn keshendi kórsetkish.
2016 jyly Nıý-Iorktegi BUU shtab-páterinde Qazaqstan Respýblıkasy Klımat jónindegi Parıj kelisimine qol qoıdy. Parıj kelisimi – BUU-nyń Klımat ózgerýi jónindegi konventsııasy aıasyndaǵy 2020 jylǵa qaraı atmosferaǵa shyǵarylatyn kómirqyshqyl gazyn azaıtýǵa baǵyttalǵan qujat. Parıj kelisimine 175 el qol qoıdy.
2019 jyly Túrkistan oblysynda «Rýhanı jańǵyrý» baǵdarlamasy aıasynda «Tarıhy tereń Túrkistan» atty aqparattyq týry ótti.
Jobanyń maqsaty – óńirdegi kıeli oryndar tizimine engen nysandardy tanystyrý, nasıhattaý, tanymaldyǵyn arttyrý, tarıhı sanany jańǵyrtý jáne ishki týrızmdi damytý.
BAQ ókilderi men áleýmettik jeli belsendileri baspasóz týry aıasynda óńirdegi 40 kıeli orynǵa saıahat jasap, jurtshylyqqa nasıhattady.
2021 jyly Batys Qazaqstan oblysynan kelgen Raııana Aqdavletova 70,3 kg deıingi salmaq dárejesinde MMA boıynsha jasóspirimder arasyndaǵy álem chempıonatynda altyn medal jeńip aldy. Sofııa qalasynda (Bolgarııa) ótken chempıonatqa 23 elden 300-den astam sportshy qatysty.
2021 jyly Qazaqstan men Halyqaralyq kóshi-qon uıymynyń Qazaqstandaǵy ókildigi Eńbek kóshi-qony jáne adam saýdasyna qarsy kúres máseleleri boıynsha yntymaqtastyq týraly memorandýmǵa qol qoıdy.