2 shildede Qazaqstanda N.Nazarbaevtyń qatysýymen Indýstrııalandyrý kúni ótedi

ASTANA. QazAqparat - 2 shildede Qazaqstanda Memleket basshysy Nursultan Nazarbaevtyń qatysýymen Indýstrııalandyrý kúni ótedi. Bul týraly Aqordanyń baspasóz qyzmetinen habarlady.

«2 shildede Qazaqstan Prezıdentiniń qatysýymen Indýstrııalandyrý kúnin ótkizý josparlanýda. Іs-shara «Nurly jol» jáne eldi ındýstrııalyq-ınnovatsııalyq damytý jónindegi memlekettik baǵdarlamalardyń júzege asyrylý barysyna arnalady. Onyń aıasynda Indýstrııalandyrý kartasyndaǵy jańa jobalardy jáne «Nurly jol» baǵdarlamasy aıasyndaǵy ınfraqurylymdyq nysandar qurysyn iske qosý rásimi ótedi. Sonymen qatar, Qazaqstannyń óndiris taýarlarynyń kórmesi uıymdastyrylady», - delingen habarlamada.