2 naýryz. Tulǵalar týǵan kún

ASTANA. QazAqparat – Búgin, ıaǵnı 2 naýryz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

8 5 jyl buryn (1938-2007) Qazaqstannyń halyq ártisi, Qazaqstan men Qyrǵyzstannyń eńbek sińirgen óner qaıratkeri, Memlekettik jáne Jastar syılyqtarynyń, táýelsiz «Tarlan» syılyǵynyń laýreaty, professor Raıymbek Noǵaıbaıuly SEITMET dúnıege keldi.

Túrkistan qalasynda týǵan. Almaty memlekettik óner ınstıtýtyn bitirgen. 1970-1971 jyldary Máskeýdegi Memlekettik teatr óneri ınstıtýty janyndaǵy joǵary rejısserler kýrsynda oqyǵan. 1959-1960 jyldary – «Qazaqfılm» kınostýdııasynyń akteri. 1960-1980 jyldary – Qazaq memlekettik akademııalyq drama teatrynyń akteri, dırektory. 1980-1982 jyldary – Qazaq KSR Mádenıet mınıstrligi Óner isteri basqarmasynyń bastyǵy. 1982-1995 jyldary – Qazaq memlekettik akademııalyq jastar men balalar teatrynyń bas rejısseri ári kórkemdik jetekshisi. 1995 jyldan ómiriniń sońyna deıin ıAsaýı atyndaǵy Halyqaralyq qazaq-túrik ýnıversıtetiniń «Óner» kafedrasyn basqarǵan.

Sahnalyq óner jolynda Áýbákir (Q. Baıseıitov, Q. Shańǵytbaev «Beý, qyzdar-aı»), Arystan, Suńǵat (Q. Muhamedjanov «Bóltirik bórik astynda», «Qudaǵı kelipti»), Qozy (Ǵ. Músirepov «Qozy Kórpesh - Baıan sulý»), Ábish (M. Áýezov, L. Sobolev «Abaı»). Shoqan (S. Muqanov «Shoqan Ýálıhanov»), Jaınaq (Sh. Aıtmatov «Ana - Jer-ana»), Kochkarev (N. Gogol «Úılený»), Lıýchentsıo, Kassıo (Ý. Shekspır «Asaýǵa tusaý», «Otello») sekildi ár alýan rólderdi oınaýda oryndaýshylyq sheberligimen kózge tústi.

Ol rejısserlik qyzmetpen de shuǵyldanyp, Qazaq memlekettik akademııalyq drama teatrynda B. Maılınniń «Neke qııar», Á. Tarazıdiń «Joly bolǵysh jigit», Qazaq memlekettik akademııalyq jastar men balalar teatrynda Áýezovtiń «Alýa», T. Ábdiktiń «Biz úsheý edik», Ǵ. Músirepovtiń «Aqan seri - Aqtoqty», Sh. Murtazanyń «Stalınge hat», «Beseýdiń haty», O. Súleımenov pen B. Muqaıdyń «Zamanaqyr» jáne basqa týyndylardy qoıǵan.

7 1 jyl buryn (1952) tanymal telejýrnalıst, Qazaqstan Jýrnalıster odaǵynyń laýreaty Tileýqabyl MYŃJASAR dúnıege keldi.

Túrkistan qalasynda týǵan. 1975 jyly ál-Farabı atyndaǵy Qazaq Ulttyq ýnıversıtetiniń jýrnalıstıka fakýltetin bitirgen. 1975 jyly Qazaq jasóspirimder televıdenıesinde alǵashqy habary efırge shyqty. «Habar» agenttiginde qurylǵan kúnnen bastap jumys isteıdi. 1998 jyldan telearnanyń Almaty oblysy boıynsha menshikti tilshisi.

«Eńbekte úzdik shyqqany úshin» medalimen, Qazaqstan Prezıdentiniń Alǵys hatymen marapattalǵan. Qazaqstan jýrnalıster odaǵynyń laýreaty, Almaty oblysynyń qurmetti azamaty. «Habar» agenttiginiń «Altyn mıkrofonynyń» ıegeri.

41 jyl buryn (1982) - Qazaqstan Respýblıkasy Tsıfrlyq damý, ınnovatsııalar jáne aeroǵarysh ónerkásibi mınıstrligi Telekommýnıkatsııalar komıtetiniń tóraǵasy Erjan Bolatuly MEIRAMOV dúnıege keldi.

Almaty oblysynda týǵan. Qazaq gýmanıtarlyq zań ýnıversıtetin bitirgen, zańger (2003); T. Rysqulov atyndaǵy Qazaq ekonomıkalyq ýnıversıteti, ekonomıst (2005); Londondaǵy Kıng kolledji, memlekettik saıasat salasyndaǵy magıstr (2013).

Eńbek joly: Qarjy mınıstrligi Zań qyzmeti departamenti quqyqtyq saraptama bólimi mamanynyń m.a. (2003-2004); Qarjy mınıstrligi Zań qyzmeti departamentiniń quqyqtyq saraptama bóliminiń mamany (01.2004-12.2004); Qarjy mınıstrligi Zań qyzmeti departamenti salalyq zańnama bóliminiń mamany (2004-2005); Qarjy mınıstrligi Zań qyzmeti departamenti salalyq zańnama bóliminiń jetekshi mamany (03.2005-07.2005); Qarjy mınıstrligi Zań qyzmeti departamenti salalyq zańnama bóliminiń bas mamany (2005-2006); Qarjy mınıstrligi Zań qyzmeti departamentiniń salalyq zańnama bóliminiń bastyǵy (03.2006-10.2006); Qarjy mınıstrligi Zań qyzmeti departamenti Zańnama saraptamasy basqarmasy bastyǵynyń orynbasary (2006-2007); Qarjy mınıstrligi Zań qyzmeti departamenti Zańnama saraptamasy basqarmasynyń bastyǵy (2007-2008); Qarjy mınıstrligi Zań qyzmeti departamenti dırektorynyń orynbasary (2008-2009); Qarjy mınıstrligi Kadr jumysy jáne qujattamalyq qamtamasyz etý departamenti dırektorynyń orynbasary (2009-2010); Qarjy mınıstrligi Zań qyzmeti departamentiniń dırektory (01.2010-11.2010); Qarjy mınıstrligi Zań qyzmeti departamenti dırektorynyń orynbasary (2010-2011); «Qazaqstan Damý Banki» Zań departamenti dırektorynyń orynbasary (04.2011-06.2011); «Astana EKSPO-2017» Ulttyq kompanııasy» AQ Kommertsııalandyrý jáne ınvestıtsııalardy tartý departamentiniń dırektory (2014-2016); «BTA Sekıýrıtız» AQ Dırektorlar keńesiniń múshesi, Dırektorlar keńesiniń tóraǵasy, Almaty qalasy (08.2016-12.2016); «Kazkommertsbank» AQ atqarýshy dırektory, «Kazkommertsbank Tájikstan» JAQ Baqylaý keńesiniń múshesi (2016-2017); «BTA Sekıýrıtız» AQ basqarma múshesi, basqarma tóraǵasynyń orynbasary, Almaty qalasy (08.2017-10.2017); «Fınkraft ınvestıtsııalyq úıi» AQ basqarýshy dırektory, Almaty q. (2017-2019); «Ksell» AQ Quqyqtyq máseleler jáne memlekettik organdarmen jumys departamentiniń dırektory, Almaty qalasy (2019-2021).

2021 jyldyń mamyr aıynan bastap qazirgi qyzmetinde.